Pune News: गाळप हंगाम सुरू होऊन एक महिना उलटल्यानंतर आता दौंड तालुक्यातील साखर कारखाने पहिली उचल किती देतात, याकडे शेतकऱ्यांचे लक्ष लागले आहे. गेल्या वर्षी सरासरी ३ हजार रुपये बाजार भाव देणाऱ्या या कारखान्यांनी यावर्षी चांगला दर द्यावा, अशी शेतकऱ्यांची अपेक्षा आहे..जिल्ह्यामध्ये सोमेश्वर सहकारी साखर कारखाना, छत्रपती सहकारी, नीरा भीमा साखर कारखान्याने ऊस दराची पहिली उचल जाहीर केली आहे. सोमेश्वर कारखान्याने प्रतिटन ३३०० रुपये उचल देत बाजारभावाचा आरंभ केला आहे. त्यानंतर छत्रपती व नीरा भीमा कारखान्याने कारखान्याने प्रत्येकी ३१०१ रुपये उचल दिली आहे..Sugar Mills: कोट्यापेक्षा जास्त साखर विक्री केल्यास दंडात्मक कारवाई.दौंड तालुक्यामध्ये सहकारी व खासगी स्तरावर एकूण चार कारखाने आहेत. यामध्ये दौंड शुगर, भीमा पाटस, श्रीनाथ म्हस्कोबा व ओंकार शुगर या चार कारखान्यांचा समावेश आहे. दौंड शुगर कारखान्याने सहा लाख टन तर भीमा पाटस कारखान्याने दोन लाख टन गाळपाचा तर श्रीनाथ म्हस्कोबाने सव्वा लाख टन गाळपाचा टप्पा पार केला आहे..Chhatrapati Sugar Factory: ‘छत्रपती’तर्फे ३१०१ रुपयांचा हप्ता जाहीर.यवत येथील ओंकार शुगर कारखान्याने उशिरा मोळीपूजन केले; परंतु अद्याप गाळप सुरू झाले नाही. तालुक्यामध्ये गाळपाला वेग येऊनदेखील कारखान्यांनी पहिल्या उचलीबाबत अद्याप मौन बाळगले आहे..पहिली उचल ३५०० रुपये द्यावी, असे निवेदन रयत क्रांती संघटनेने कारखान्यांना दिले आहे. दौंड शुगर, भीमा पाटस व श्रीनाथ म्हस्कोबा कारखान्यांनी गाळप क्षमता वाढवली आहे. याशिवाय तीनही कारखान्यांकडे सहवीज निर्मिती व डिस्टिलरी प्रकल्प आहेत. त्यामुळे चांगला भाव द्यावा, अशी मागणी शेतकऱ्यांकडून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
