Nashik News: खरीप पणन हंगाम २०२५-२६ मध्ये किमान आधारभूत किंमत खरेदी योजनेअंतर्गत धान भरडधान्य खरेदीसाठी ऑनलाइन शेतकरी नोंदणीकरिता ३१ जानेवारी २०२६ पर्यंत मुदतवाढ देण्यात आली आहे. या निर्णयामुळे मका, रागीसह भरड धान्य आणि धान उत्पादक शेतकऱ्यांना मोठा दिलासा मिळाला आहे..यंदाच्या वर्षी मकासह धानाचे मोठ्या प्रमाणात उत्पादन झालेले आहे. तसेच अतिवृष्टीमुळे शेतकऱ्यांचे नुकसानदेखील अधिक झाले आहे. त्यामुळे शेतकऱ्यांना मका व धानासाठी योग्य दर मिळावा, यासाठी शासनाकडून राबविण्यात येणाऱ्या आधारभूत किंमत खरेदी योजनेसाठी मुदतवाढ मिळावी, अशी मागणी शेतकऱ्यांनी केली होती..Soybean MSP Registration: सोयाबीन नोंदणीला एक महिना मुदतवाढ.त्यानुसार खरीप पणन हंगाम २०२५-२६ मध्ये धान/भरडधान्य खरेदीकरिता शेतकऱ्यांच्या नोंदणी प्रक्रियेला ३१ जानेवारी २०२६ पर्यंत मुदतवाढ देण्यात आली आहे. शेतकरी नोंदणीस देण्यात आलेल्या मुदतवाढ कालावधीत शासनाने वेळोवेळी दिलेल्या सूचनांचे पालन करून शेतकऱ्यांच्या नोंदणीची कार्यवाही करावी, असे अन्न, नागरी पुरवठा व ग्राहक संरक्षण मंत्री छगन भुजबळ यांनी सूचित केले आहे..नोंदणी अनिवार्य!खरीप पणन हंगाम २०२५-२६ मध्ये धान व मका, ज्वारी, रागीसह भरड धान्य खरेदीसाठी शेतकऱ्यांनी ऑनलाइन पद्धतीने नोंदणी करणे अनिवार्य आहे. नोंदणी पूर्ण केलेल्या पात्र शेतकऱ्यांकडूनच शासनामार्फत आधारभूत किमतीने धान्याची खरेदी करण्यात येणार आहे. शासनाने वेळोवेळी दिलेल्या सूचनांचे पालन करून शेतकऱ्यांची नोंदणी प्रक्रिया पूर्ण करण्याचे आदेशही या वेळी देण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
