Mumbai News: आंबा, संत्रा आणि काजू पीक उत्पादक शेतकऱ्यांना पुनर्रचित हवामान आधारित फळपीक विमा योजनेत नोंदणीसाठी १५ डिसेंबरपर्यंत मुदतवाढ देण्यात आली आहे..या विमा योजनेतील पडताळणी प्रक्रियेला उशीर झाल्यामुळे काही शेतकऱ्यांना सहभाग घेता आला नव्हता. त्यामुळे या विमा योजनेअंतर्गत रब्बी हंगामातील सर्व अधिसूचित जिल्ह्यांसाठी अंतिम मुदत वाढविण्याबाबत केंद्र सरकारशी कृषी विभागाने पत्रव्यवहार केला होता. या पत्राची दखल घेऊन आंबा, काजू, संत्रा पीक उत्पादक शेतकऱ्यांना मुदतवाढ दिली आहे..Fruit Crop Insurance: आंबा, काजूचे १८,०९५ हेक्टर क्षेत्र विमा संरक्षित.विमा कंपन्यांचा आढावा घेतल्यानंतर बजाज अलियान्झ जनरल इन्शुरन्स कंपनी लिमिटेड आणि जनरल सेंट्रल इन्शुरन्स कंपनी लिमिटेड यांनी या मुदतवाढीस मान्यता दिली आहे. .युनिव्हर्सल सोम्पो जनरल इन्शुरन्स कंपनी लिमिटेड यांनी एनसीआयपी पोर्टल सुरू झाल्यापासून पुढील सात दिवसांची मुदतवाढ लागू करण्याची तयारी दर्शवली आहे. मात्र त्यापैकी एआयसी ऑफ इंडिया लिमिटेड यांनी त्यांच्या क्लस्टरमधील जिल्ह्यांसाठी मुदतवाढ देण्यास नकार दिला आहे..Fruit Crop Insurance: केळी, आंब्याला हवामान आधारित विमा परतावा मंजूर.पुनर्रचित हवामान आधारित फळपीक विमा योजनेअंतर्गत अधिसूचित आंबा, संत्रा व काजू पिकांसाठी कर्जदार व बिगर कर्जदार शेतकऱ्यांच्या नोंदणीसाठी अंतिम मुदत वाढविण्यास मान्यता दिली आहे.वाढीव कालावधीत होणाऱ्या नोंदणीसाठी भारत सरकारचा प्रीमियम वाटा देखील देय राहणार आहे. वाढीव मुदतीत नैतिक जोखीम टाळण्यासाठी संचालन मार्गदर्शक तत्त्वांचे पालन करण्याच्या सूचना देण्यात आल्या आहेत..फळपीक विमा योजनेत जास्तीत जास्त पात्र शेतकऱ्यांचा समावेश व्हावा यासाठी राज्य सरकारने नोंदणीला मुदतवाढ दिल्याची माहिती सर्व नोंदणी केंद्रांना पोहोचविण्याचे निर्देश देण्यात आले आहेत.दत्तात्रय भरणे, कृषिमंत्री.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
