Jalgaon News : खानदेशात ऑक्टोबरमध्ये सुरू होणारा रब्बी हंगाम यंदा अतिपावसाने लांबला आहे. शेतकरी पेरणीचे नियोजन करीत आहेत, पण वाफसा नसल्याने अडचण आहे. सध्या पाऊस नाही. पण काळ्या कसदार जमिनीत पूर्वमशागत करता येत नसल्याची स्थिती आहे. .खानदेशात यंदा अपवाद वगळता सर्वच प्रमुख प्रकल्पांत टक्के जलसाठा आहे. पाण्याचा वापरही कमी आहे. कारण पाऊस या महिन्यातही काही भागात झाला आहे. नंदुरबार, धुळे व जळगावात १२० टक्क्यांवर पाऊस झाला आहे. .जळगावचे पाऊसमान ६३२ मिलिमीटर, नंदुरबारचे ८५२ आणि धुळ्याचे पाऊसमान ५६५ मिलिमीटर एवढे आहे. सप्टेंबरमध्येच सर्वच जिल्ह्यांत सरासरीपेक्षा अधिक पाऊस झाला होता. नवरात्रोत्सवातही पाऊस झाला. खानदेशात उडीद, मूग, सोयाबीन, ज्वारी, मका आदी पिके घेतल्यानंतर त्यात कोरडवाहू व बागायती रब्बी पिकांची पेरणी केली जाते..Rabi Season : जळगावात रब्बीतही असणार खतांची मोठी मागणी.दिवाळीनंतर पेरणीला गती शक्यखानदेशात रब्बीची पेरणी पुढील महिन्यातच सुरू होईल, असे दिसत आहे. त्यात दिवाळी सणानंतर ही पेरणी गती घेईल. कारण काळ्या कसदार जमिनीत आणखी पाच ते सहा दिवस वाफसा होणार नाही. शेतांत तण वाढले आहे. हे तण नष्ट झाल्यानंतर शेत भुसभुशीत करावे लागेल. यानंतर पेरणी होईल. त्यासाठी चांगल्या वाफशाची प्रतीक्षा शेतकऱ्यांना आहे..दिवाळीला पेरणी अशक्यकोरडवाहू रब्बी हंगामाची पेरणी दसरा व दिवाळी सणाच्या तोंडावर केली जाते. परंतु यंदा पेरणी पावसाने रखडली आहे. खानदेशात यंदा रब्बीची पेरणी ११० टक्क्यांवर होईल, असे संकेत आहेत. परंतु पेरणीला यंदा उशीर होत आहे. तापी, गिरणा, पांझरा, अनेर आदी नद्यांच्या क्षेत्रातील काळ्या कसदार जमिनीत दसरा, दिवाळीलाच कोरडवाहू दादर ज्वारी, देशी हरभऱ्याची पेरणी करण्याचा प्रघात आहे. मागील हंगामात पाऊस कमी असतानाही या भागात अनेकांनी कोरडवाहू दादर ज्वारी, कोरडवाहू हरभरा पिकाची पेरणी दसरा सणालाच केली होती..Rabi Season: रब्बी हंगामाला सुरुवात; योग्य मशागतीतून वाढवा उत्पादन!.अनेक शेतकऱ्यांचे क्षेत्र रब्बीसाठी होते नापेरकोरडवाहू दादर ज्वारीसाठी खानदेशात अनेक शेतकरी क्षेत्र नापेर ठेवतात. या क्षेत्रात रब्बीतील पीक जोमात येते, उत्पादन चांगले व लवकर येते, असे शेतकरी मानतात. परंतु या नापेर क्षेत्रातही पावसामुळे वाफसा नाही. पूर्वमशागत रखडली आहे. .ही मशागत होवू शकत नाही. यामुळे पेरणीदेखील होवू शकत नसल्याची स्थिती आहे. खानदेशात यंदा रब्बी हंगाम लांबल्याने बाजारातही बियाणे, खतांबाबत उलाढाल फारशी दिसत नसल्याची स्थिती आहे. मका बियाण्याला मध्यंतरी उठाव होता. परंतु हा उठावही कमी झाला आहे. कारण पेरणीचे नियोजन कोलमडले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
