Rainwater Harvesting : नाशिक जलसंधारण ही केवळ सरकारी योजना नसून गावाच्या भविष्याची आणि पुढील पिढ्यांच्या अस्तित्वाची लढाई आहे. पावसाचा प्रत्येक थेंब जमिनीत मुरविणे, मातीची धूप रोखणे आणि उपलब्ध जलस्रोतांचे संवर्धन करणे ही काळाची गरज आहे. ‘थेंब थेंब जपूया, मातीला जीवन देऊया,’ असे प्रतिपादन नाशिक व छत्रपती संभाजीनगर विभागाचे मुख्य अभियंता हरिभाऊ गिते यांनी केले..राज्यात १५ ते २१ ऑगस्टदरम्यान जलसंधारण सप्ताह साजरा होत आहे. त्यानिमित्त संजीवनी फाउंडेशनतर्फे सिन्नर तालुक्यातील दोडी येथील श्री ब्रह्मानंद न्यू इंग्लिश स्कूल अँड ज्युनिअर कॉलेजमध्ये जलजागृती रॅली व जलजागृती संवाद मेळावा घेण्यात आला. संस्थेचे अध्यक्ष पांडू केदार यांच्या अध्यक्षतेखाली झालेल्या कार्यक्रमात गिते प्रमुख अतिथी म्हणून उपस्थित होते. यावेळी ज्ञानेश्वर सानप यांनी प्रास्ताविकातून जलसंधारणाची गरज, लोकसहभाग आणि संस्थेच्या जलचळवळीची भूमिका स्पष्ट केली..Jal Jeevan Mission Status: ‘जलजीवन मिशन’ सुद्धा नापास.विद्यार्थ्यांशी संवाद साधताना गिते यांनी मृद् व जलसंधारण, ‘पाणी अडवा-पाणी जिरवा’, माती संवर्धन आणि पाण्याचे महत्त्व याबाबत मार्गदर्शन केले..Jal Jeevan Mission Corruption: ‘जलजीवन’च्या गैरव्यवहाराची जबाबदारी निश्चित करा.‘‘पाणी ही केवळ नैसर्गिक संपत्ती नाही, तर पुढील पिढ्यांचा हक्क आहे. पावसाचा थेंब वाहून जाऊ न देता तो जमिनीत जिरविला, तरच शिवार समृद्ध आणि गावाचे भवितव्य सुरक्षित होईल,’’ असे गिते यांनी सांगितले. शासन, सामाजिक संस्था, शाळा-महाविद्यालये, शेतकरी आणि तरुणाईच्या सहभागातून जलसंधारणाची चळवळ गावागावात उभी राहू शकते, असेही त्यांनी नमूद केले..यावेळी माजी जिल्हा परिषद सदस्य नीलेश केदार, ज्ञानेश्वर आव्हाड, प्राचार्य संजय सोनवणे, किशोर पगारे, रोशन सानप, गणेश सांगळे, ओंकार घोडके, प्रतीक भोसले, शुभम पोथारे यांच्यासह शिक्षक, विद्यार्थी, ग्रामस्थ व मान्यवर उपस्थित होते. सूत्रसंचालन तांबे सर यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
