Palghar News: डहाणू तालुक्यात उचल पाणी प्रकल्पातून उन्हाळी, रब्बी हंगामासाठी भाजीपाला लागवड केली जात आहे. त्यामुळे शेती करण्याकडे तरुणांचा कल वाढला असल्याने रोजगारासाठी मोठ्या प्रमाणात होणारे स्थलांतर थांबल्याचे सकारात्मक चित्र आहे. .डहाणू तालुक्यातील शेनसरी-गांगोडी ग्रामपंचायतीअंतर्गत ११ पाड्यांमध्ये रब्बी हंगामात शेती मोठ्या प्रमाणात बहरली आहे. काकडी, गवार, मिरची, वांगी, मुळा, मका, भुईमूग, मेथी, दुधी तसेच मशरूम अशा विविध पिकांची लागवड करण्यात आली आहे. .Vegetable Cultivation: मुरबाडला ९०९ हेक्टरवर भाजीपाल्याची लागवड!.यावर्षी सुधारित पद्धतींचा अवलंब वाढला असून मल्चिंग, ठिबक सिंचनाचा वापर लक्षणीयरीत्या वाढला आहे. मॉन्सून फूडच्या माध्यमातून काकडीच्या चांदणी, कळस, कीर्ती, आयनार जातींची लागवड करण्यात आली आहे. परिणामी, उत्पादनात वाढ होत असून शेतीवरील विश्वास दृढ झाला आहे. .Vegetable Cultivation: भाजीपाला पिकांचे उत्पादन वाढवण्यासाठी सोप्या टिप्स!.तर शेतीमुळे तब्बल ७० टक्के स्थलांतर थांबले असून तरुणवर्ग पुन्हा शेतीकडे वळले आहेत. परिणामी मशरूम, काकडीसारख्या पिकांची मोठ्या प्रमाणावर लागवड सुरू आहे. गेली दोन वर्षे दोन एकर क्षेत्रात कीर्ती जातीची काकडीची लागवड करत आहे. याआधी बांधकामाच्या कामावर अवलंबून होते; मात्र पाणी मुबलक उपलब्ध झाल्याने शेतीकडे वळले. गेल्या वर्षी ५० हजार रुपयांचे उत्पन्न मिळाले होते; यंदा त्यापेक्षा अधिक उत्पन्नाची अपेक्षा असल्याचे सुनीता चौधरी यांनी सांगितले..३०० शेतकरी सहभागीउचल पाणी प्रकल्पाचा थेट लाभ शेतकऱ्यांना मिळत आहे. या उपक्रमात ३०० पेक्षा अधिक शेतकरी सहभागी झाले आहेत. रब्बी हंगामामुळे शेनसरी-गांगोडी परिसरात आर्थिक स्थैर्य येत आहे..भाजीपाला लागवडीमुळे स्थानिक पातळीवरच उत्पन्नाचे स्रोत उपलब्ध झाल्याने स्थलांतर मोठ्या प्रमाणात थांबले आहे. कृषी विभाग, पंचायत समिती व सामाजिक संस्थांच्या सहकार्यामुळे अनेक शेतकरी भाजीपाला शेतीकडे वळले असून गावातच रोजगार मिळत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
