Agriculture Irrigation Issue: ब्रह्मगव्हाण उपसा जलसिंचन योजनेचे दोन पंप बुधवारी (ता. २) सुरू झाल्याने पिकांना पाणी देण्यासाठी शेतकऱ्यांची पळापळ सुरू झाली. परंतु तातडीच्या भारनियमनाच्या अडथळ्यामुळे शेतकरी त्रस्त झाले आहेत..मूळ ब्रह्मगव्हाण उपसा जलसिंचन योजनेला दोन कालवे आहेत. योजनेच्या आराखड्यानुसार ३२०५ हेक्टर क्षेत्र ओलिताखाली येते. योजनेच्या दुसऱ्या टप्प्यातील भाग एकचे काम तोडोंळी, जैनपूर, गाढेगाव शिवारापर्यंत, तर भाग दोनचे काम वाहेगाव-बालानगरपर्यंत झाले आहे. पुढे पाचोडकडे काम बाकी आहे..Weed Management: आडसाली उसातील तण व्यवस्थापन.लोहगाव परिसरातील पिकांना जवळपास महिनाभरापासून पावसाने ओढ दिल्याने शेतकरी हवालदिल झाले आहेत. जायकवाडी जलफुगवटा क्षेत्रात उभारलेल्या ब्रह्मगव्हाण उपसा जलसिंचन योजनेचे पाणी सिंचनासाठी मिळावे, यासाठी शेतकऱ्यांनी जायकवाडी पाटबंधारे विभागाचे कार्यकारी अभियंता, उपअभियंता व शाखा अभियंता यांच्याकडे मागणी करून पाठपुरावा केला. .Water Stress: पाणी नसल्यामुळे पीक वाळतेय? करा सोपे ५ उपाय .त्यानंतर जलसंपदा विभागाने योजनेच्या पंपगृहातील विद्युत पंप व इलेक्ट्रिकल पॅनल बोर्डाची दुरुस्ती केली. बुधवारी (ता. २) दुपारी लाभधारक शेतकरी दत्तात्रय औटे यांच्या हस्ते पंपगृहातील ३०० हॉर्सपॉवर क्षमतेचे दोन पंप सुरू करून सिंचनासाठी पाणीपुरवठा सुरू करण्यात आला. यावेळी शेतकरी वसंत जगताप, रमेश डांगे, ज्ञानेश्वर थोरात, सुरेश कदम, गणेश इथापे, रावसाहेब बोरूडे, बंडू भवर, किरण वाघ, कालवा निरीक्षक विनोद खैरे आदी उपस्थित होते..हे पाणी जलवाहिनीतून वितरण हौदात पडताच दोन कालव्यांपैकी उजव्या कालव्यात सोडण्यात आले. मात्र, कालव्यात गवत, कचरा व काड्यांमुळे पाण्याच्या प्रवाहाला अडथळा निर्माण झालेल्या ठिकाणी जेसीबीच्या मदतीने अडथळे दूर करण्यात आले. त्यामुळे गुरुवारी (ता. ३) कालवा पूर्ण क्षमतेने प्रवाहित झाल्याने शेतकऱ्यांनी चारी व उपशाद्वारे पिकांना पाणी देण्यासाठी धावपळ सुरू केली..परंतु लोहगाव ३३ केव्ही उपकेंद्राने अचानक फारोळा २२० केव्हीवरून तातडीचे भारनियमन केल्याने ताणलेल्या पिकांचे सिंचन करण्यासाठी शेतकरी हैराण झाले आहेत. पाणी सुटले तर वीज टिकेना आणि पाऊसही पडेना, अशा तिहेरी संकटात बळीराजा सापडलाआहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
