Pipani symbol: निवडणूक आयोगाने निवडणूक चिन्हांच्या यादीतून पिपाणी (ट्रम्पेट) हे चिन्ह वगळले आहे. यामुळे राष्ट्रवादी काँग्रेस शरदचंद्र पवार पक्षाला मोठा दिलासा मिळाला आहे. शरद पवार यांनी पिपाणी या निवडणूक चिन्हावर याआधी आक्षेप घेतला होता. हे चिन्ह गोठवण्याची मागणी वारंवार शरद पवार यांच्या राष्ट्रवादीकडून करण्यात आली होती. त्यांची ही मागणी निवडणूक आयोगाने अखेर मान्य केली आहे..स्थानिक स्वराज्य संस्थांच्या निवडणुकीत उद्धव ठाकरेंच्या शिवसेनेचे मशाल आणि शरद पवारांच्या राष्ट्रवादीचे तुतारी वाजवणारा माणूस हे चिन्ह कायम ठेवण्यात आले आहे. या निवडणुकीदरम्यान राज्य निवडणूक आयोगाने अधिकृत राजकीय पक्षांसह मान्यता असलेल्या चिन्हांची यादी जारी केली आहे. त्यातून पिपाणी चिन्ह हटवण्यात आले आहे. लोकसभा निवडणुकीत अपक्ष उमेदवारांना पिपाणी हे चिन्ह देण्यात आले होते. तुतारी चिन्हाशी साधर्म्य असलेले पिपाणी चिन्ह न देण्याची मागणी राष्ट्रवादीने केली होती..Local Body Election: मुंबई महापालिका निवडणुकीत काँग्रेसचा स्वबळाचा नारा; शिवसेना-मनसेसोबत युतीला नकार .लोकसभा निवडणुकीत पिपाणी चिन्हामुळे शरद पवारांच्या राष्ट्रवादीला फटका बसला होता. अपक्षांना दिलेल्या पिपाणी चिन्हामुळे साताऱ्यात शशिकांत शिंदे यांचा पराभव झाल्याचा दावा शरद पवारांच्या राष्ट्रवादीने केला होता. विधानसभा निवडणुकीतही पिपाणी आणि तुतारी चिन्हांमध्ये मतदारांचा घोळ झाल्याने ९ ठिकाणी शरद पवार गटाचे उमेदवार पराभूत झाल्याचाही चर्चा त्यावेळी रंगली होती. .Agricultural Issues: शेतीप्रश्न गांभीर्याने घ्या: शरद पवार.निवडणूक आयोगाच्या या निर्णयावर आमदार रोहित पवार यांनी प्रतिक्रिया दिली आहे. ''निवडणूक चिन्हातून पिपाणी (ट्रम्पेट) हे चिन्ह वगळल्याबद्दल निवडणूक आयोगाचे आभार..! लोकसभा आणि विधानसभा निवडणुकीत या पिपाणीचा खूप मोठा फटका आम्हाला सहन करावा लागला. हाच निर्णय लोकसभा आणि विधानसभेच्या निवडणुकीत घेतला असता तर आजचं चित्र खूप वेगळं असतं...! पण असो! देर आए दुरुस्त आए..!'' असे रोहित पवार यांनी एक्सवरील पोस्टमध्ये म्हटले आहे. .'हा निर्णय जर आधीच घेतला गेला असता, तर...' राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे यांनी म्हटले आहे की, लोकसभा आणि विधानसभा निवडणुकीत या चिन्हामुळे कार्यकर्त्यांना आणि मतदारांना मोठा गोंधळ निर्माण झाला, त्याची राजकीय किंमत पक्षाला चुकवावी लागली होती. हा निर्णय जर आधीच घेतला गेला असता, तर आज महाराष्ट्रातील आणि देशातील राजकीय चित्र नक्कीच वेगळं असतं.शेवटी, उशिरा सुचलेलं शहाणपण अस याला म्हणावं लागेल. निवडणूक चिन्हातून ‘पिपाणी (ट्रम्पेट)’ हे चिन्ह कायमचे वगळल्याबद्दल निवडणूक आयोगाचे आभार! हा निर्णय लोकशाही आणि स्वच्छ निवडणूक प्रक्रियेसाठी एक सकारात्मक पाऊल असल्याची प्रतिक्रिया शिंदे यांनी व्यक्त केली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
