Fodder Management: भारतीय हवामान विभागाने २०२६ च्या मॉन्सूनवर ‘एल निनो’चा परिणाम होण्याची शक्यता आहे. त्यामुळे जिल्हा पशुसंवर्धन विभाग सतर्क झाला आहे. संभाव्य पावसाअभावी उद्भविणाऱ्या चाराटंचाईवर मात करण्यासाठी जिल्हा चारा सुरक्षा आराखडा तयार करण्याच्या हालचाली सुरू केली आहे. सद्यःस्थितीला जिल्ह्यात सध्या ३ कोटी ५७ लाख ३३ हजार ९४२ इतका सुका व ओला चारा उपलब्ध असल्याची माहिती पशुसंवर्धन विभागाचे उपायुक्त डॉ. अजयनाथ थोरे यांनी दिली..डॉ. थोरे म्हणाले, की एल निनोमुळे पावसाचे प्रमाण घटल्यास चाऱ्याची तूट वाढण्याची शक्यता असल्याने विभागाने पूर्वतयारीला सुरुवात केली आहे. मुख्यमंत्री स्तरावर यासंदर्भात तातडीचे निर्देश दिले आहेत. जिल्हा नियोजन व विकास समितीअंतर्गत नावीन्यपूर्ण योजना किंवा आपत्ती निवारण निधीतून चारा बियाणे खरेदीस प्राधान्य दिले जाईल. विशेषतः मका, ज्वारी, बाजरी यांसारख्या चारा पिकांच्या बियाण्यांसाठी महाराष्ट्र राज्य बियाणे महामंडळ (महाबीज), अकोला यांना आदेश तातडीने देण्याच्या सूचना करण्यात आल्या आहेत..Livestock Development Department : महाराष्ट्र पशुधन विकास मंडळाचे कार्यालय पुन्हा अकोल्यात.चारा बियाणे ५ मे २०२६ पूर्वी शेतकऱ्यांपर्यंत पोहोचविण्याचे नियोजन सुरु केले आहे. चारा उत्पादन वाढविण्यासाठी वैरण बियाणे वाटप, हायड्रोपोनिक पद्धतीने चारा उत्पादन, मिनी टीएमआर, कडबाकुट्टी यंत्रांचे वाटप तसेच मुरघास निर्मितीला प्रोत्साहन देण्यात येणार आहे. .Livestock Farmers Crisis: पशुपालकांवर कर्जाचा डोंगर.पावसाळा सुरू होताच चारा पेरणीचे नियोजन करावे. तसेच मुरघास निर्मितीसारख्या आधुनिक तंत्रांचा अवलंब करून चाऱ्याची साठवणूक करावी..जिल्हाधिकाऱ्यांनी जिल्ह्यातील पशुधन संख्या लक्षात घेऊन स्वतंत्र जिल्हा चारा सुरक्षा आराखडा तयार करण्याचे निर्देश मुख्यमंत्री देवेंद्र फडणवीस यांनी दिले आहेत. यात धरणांच्या गाळपेरा क्षेत्रात व नदीपात्रालगतच्या जमिनींवर चारा लागवडीची विशेष मोहीम, मुरघास प्रकल्पांना गती, तसेच भविष्यात चारा छावण्यांची वेळ येऊ नये यासाठी साठवणुकीचे अचूक नियोजन याचा समावेश आहे. संभाव्य चाराटंचाईच्या पार्श्वभूमीवर सर्व पशुपालकांनी मुख्यमंत्री ग्रामीण पशुधन उद्योजकता योजनेचा लाभ घ्यावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
