Nashik Lakhamapur News: दिंडोरी तालुक्यात बिबट्यांचा धुमाकूळ दिवसेंदिवस वाढत असून कुत्रे, वासरे व इतर पाळीव प्राण्यांबरोबरच मानवांवरही हल्ल्यांच्या घटना घडत आहेत. काही दिवसांपूर्वी एका वृद्ध शेतकऱ्याचा बिबट्याच्या हल्ल्यात मृत्यू झाला असून, अनेक शेतकरी जखमी झाले आहेत. पूर्वी फक्त सायंकाळी किंवा रात्री दिसणारे बिबटे आता दिवसाढवळ्या निर्भयपणे वावरताना दिसत असल्याने नागरिकांमध्ये भीतीचे वातावरण आहे..बिबट्यांची संख्या एकापेक्षा अधिक असल्याचे वनविभागाच्या निदर्शनास आले असून, परिस्थिती गंभीर झाल्याने विभाग अॲक्शन मोडमध्ये आला आहे. संभाव्य ठिकाणी पिंजरे लावून आतापर्यंत एकूण आठ बिबटे जेरबंद करण्यात आले आहेत. यापैकी पाच बिबटे वणी तर तीन दिंडोरी वनविभागाच्या कार्यक्षेत्रात पकडले गेले आहेत..Leopard Protection: बिबट्याला शेड्यूल-२ मध्ये टाकण्याचा निर्णय.जेरबंद बिबट्यांना सध्या पिंजऱ्यात ठेवण्यात येत असून त्यांना नियमित खाद्य पुरवले जात आहे. मात्र पिंजऱ्यात अडकलेले बिबटे आक्रमक बनले असून डरकाळ्या फोडत बाहेर पडण्याचा प्रयत्न करत आहेत. वरिष्ठांच्या आदेशानुसार पुढील कार्यवाही करण्यास कनिष्ठ अधिकारी बांधील असल्याने ‘पकडलेल्या बिबट्यांचे पुढे काय?’ हा प्रश्न निर्माण झाला आहे..गेल्या दीड वर्षात बिबट्यांच्या हल्ल्यांत लहान मुले, विद्यार्थी, ज्येष्ठ नागरिक यांसह अनेकांनी जीव गमावला आहे. त्यामुळे नागरिकांमध्ये वनविभागाविरोधात संताप वाढला होता. याच पार्श्वभूमीवर सध्या पकडलेल्या बिबट्यांना इतरत्र सोडण्याऐवजी पिंजऱ्यात ठेवण्याचा निर्णय घेण्यात आला आहे..Human-Leopard Conflict: मानव-बिबट्या संघर्ष टाळण्यासाठी २० कोटी.पिंपळनारे, निळवंडी, जानोरी, मोहाडी, वरवंडी, शिवनई, लखमापूर, ओझे, करंजवण, वनारवाडी, केतकी पिंपळगाव, पालखेड बंधारा, चिंचखेड, खेडगाव, शिंदवड, नानाशी, वारे, टिटवे, कोशिंबे आदी गावांमध्ये बिबट्यांचा मोठ्या प्रमाणात वावर असून अनेक ठिकाणी प्राण्यांवर हल्ल्यांच्या घटना घडल्या आहेत. विशेषतः पिंपळनेर येथे सकाळी दहाच्या सुमारास ६५ ते ७० वयोगटातील एका वृद्धाचा बळी गेल्याने भीती अधिकच वाढली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
