Egg Prices Down India: पश्चिम आशियातील संघर्षामुळे निर्यात थांबल्याने अनेक क्षेत्रांवर परिणाम झाला आहे. यामुळे पोल्ट्री व्यवसायही अडचणीत आला आहे. कारण अंड्यांचे दर घसरले आहेत. 'गल्फ को-ऑपरेशन कौन्सिल' (GCC) देशांना होणारी निर्यात ठप्प झाल्याने भारतातील बाजारपेठांमध्ये अंड्यांचा अतिरिक्त साठा वाढला आहे. परिणामी, शेतकऱ्यांना वाढत्या नुकसानीला सामोरे जावे लागत असल्याचे दिसून आले आहे..कर्नाटकातील पोल्ट्री उत्पादक शेतकऱ्यांना याचा फटका बसला आहे. कर्नाटकातून ओमान आणि कुवेतला मोठ्या प्रमाणात उबवण्यासाठीच्या अंड्यांची निर्यात केली जाते. ही निर्यात आता थांबली असल्याचे कोट्यवधी रुपयांचे नुकसान होत असल्याचे येथील पोल्ट्री उत्पादकांचे म्हणणे आहे..तसेच देशांतर्गंत मागणी कमी झाल्याने स्थानिक बाजारात २८ फेब्रुवारी नंतर खाण्याच्या अंड्यांच्या दरात मोठी घसरण झाली आहे. प्रति अंड्याचा दर ७ ते ६ रुपयांवरून ४ रुपयांपर्यंत खाली आला आहे. तर कर्नाटकातील बंगळूर सारख्या मोठ्या शहरात अंड्याचा घाऊक दर ५.५ रुपयांवरून ४.८ रुपयांपर्यंत खाली घसरला आहे.ujYje.Agrowon Podcast: हरभरा भाव दबावात; सोयाबीन स्थिरावले, संत्रा आवक टिकून, गहू नरमला तर डाळिंबाला उठाव.खाण्यासाठी वापर होणाऱ्या अंड्यांचा ताजेपणा टिकवून राहण्याचा कालावधी केवळ १० ते १५ दिवसांचा असतो. जर पुढील काही दिवसात निर्यात पुन्हा सुरु झाली नाही तर साठवणूक केलेली अंडी खराब होण्याची शक्यता आहे. यामुळे दर आणखी खाली येऊ शकतात, अशी चिंता पोल्ट्री उत्पादक शेतकऱ्यांनी व्यक्त केली आहे..Jaggery Export: युद्धामुळे गूळ निर्यात थांबली.कर्नाटकातील म्हैसूर, कोलार, विजयनगर, दावणगिरी आणि कोप्पल या जिल्ह्यांत मोठ्या प्रमाणात अंड्यांचे उत्पादन घेतले जाते. येथून अंड्यांच्या होणारी निर्यात थांबल्याने स्थानिक बाजारात पुरवठा वाढला आहे. परिणामी दर घसरले. तसेच गॅस टंचाईमुळे अंडी, चिकन, मटणाला मागणी कमी झाल्याचे विक्रेते सांगतात. .कर्नाटकात दररोज २.२ कोटी अंड्यांचे उत्पादनराष्ट्रीय अंडी समन्वय समिती (NECC) च्या माहितीनुसार, गेल्या काही दिवसांत कर्नाटकात अंड्यांच्या दरात मोठी घसरण झाली. प्रति अंड्याचा दर ७.०६ रुपयांवरून ४.६० रुपयांवर आला आहे. आखाती देशांत होणारी निर्यात थांबल्याने गेल्या १५ दिवसांत दरात घट झाली आहे. कर्नाटकात दररोज २.२ कोटी अंड्यांचे उत्पादन होते, असे 'एनईसीसी'च्या अधिकाऱ्याचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
