Jalgaon News: खानदेशात यंदा ५ नोव्हेंबर २०२५ पासून कलिंगड लागवडीस सुरुवात झाली आहे. आगाप किंवा नोव्हेंबरमध्ये लागवडीच्या पिकाची हानी विषम वातावरण व त्या वेळेस झालेल्या पावसाने झाली आहे..आगाप कलिंगड पिकात फळसंख्या कमी आहे. तसेच पीक फुलोऱ्यावरही फारसे येत नसल्याची स्थिती असून, फळ व फुलांची संख्या वाढविण्यासाठी शेतकरी विविध फवारण्या घेत आहेत. परागीभवनासाठी मधमाशा पिकात याव्यात यासाठी पिकात गूळ ठेवणे, यांसारखी कार्यवाही सुरू आहे. आगाप कलिंगड पिकात फळे कमी लागत असल्याने शेतकरी चिंतेत आहेत..Watermelon Farming: कलिंगड, खरबूज लागवड घटण्याची शक्यता.आगाप कलिंगड पीक फुलधारणा स्थितीत येत असतानाच डिसेंबरमध्ये ढगाळ वातावरण होते. थंडीही मध्यंतरी होती. त्यात डिसेंबरच्या अखेरीस जोरदार पाऊस खानदेशात झाला. याचा फटका अनेक भागांत पिकांना बसला आहे. हलक्या, मुरमाड क्षेत्रातील कलिंगड पिकाची अति पावसात हानी झाली आहे. कलिंगड पिकास सुरुवातीला कमी पाणी लागते. परंतु अति पावसाने समस्या तयार झाल्याचे शेतकऱ्यांचे म्हणणे आहे..Watermelon Farming : खरिपातील कलिंगडाची लागवड यंदा कमीच.मागील हंगामही बिकटकलिंगडात मागील हंगामात अनेकांना फटका बसला होता. मागील वेळेस कलिंगडाची लागवडदेखील वाढली होती. यंदाही कलिंगड लागवडीत खानदेशात मोठी वाढ झाली आहे. जळगाव जिल्ह्यातील लागवड चार ते साडेचार हजार हेक्टरपेक्षा अधिक आहे. तर धुळे व नंदुरबारातही मोठी कलिंगड लागवड झाली आहे. लागवड अजूनही सुरूच आहे. सध्या उन्हाळ हंगामासंबंधीची लागवड सुरू आहे..जामनेरात सर्वाधिक लागवडजळगाव जिल्ह्यात जामनेरात सर्वाधिक कलिंगड पीक आहे. तसेच चोपडा, यावल, रावेर, जळगाव, पाचोरा, धुळ्यातील शिरपूर, धुळे, नंदुरबारातील शहादा, तळोदा व नंदुरबार भागांत कलिंगडाची मोठी लागवड झाल्याची स्थिती आहे. या महिन्यात कलिंगडाची मोठी लागवड झाली आहे. डिसेंबरमध्ये अनेकांनी लागवड टाळली. अनेक शेतकरी हलक्या, मध्यम जमिनीत कलिंगडाची लागवड करीत आहेत. अधिक पाने व फुले लागणाऱ्या वाणांना पसंती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
