Jalgaon News: खानदेशात बाजरीची पेरणी पूर्ण झाली आहे. यंदा तीन्ही जिल्ह्यांतील एकूण क्षेत्र सुमारे आठ हजार हेक्टरवर आहे. क्षेत्रात किंचित वाढ झाली आहे. खानदेशात बाजरीची पेरणी मागील दोन वर्षे सात ते साडेसात हजार हेक्टरवर झाली होती. यंदा त्यात काहीशी वाढ झाली. .कमी कालावधीचे पीक म्हणूनही बाजरीची ओळख आहे. एप्रिलमध्ये बाजरीचे पीक घेऊन क्षेत्र रिकामे व्हावे यादृष्टीने पेरणी झाली आहे. आगाप पेरणी केळीपट्ट्यात झाली आहे. काही शेतकऱ्यांनी कांदेबाग केळीची काढणी ९५ ते ९७ टक्के झाल्याने त्यात पूर्वमशागत करून लागलीच पेरणी केली आहे. पेरणी जानेवारीच्या पहिल्या आठवड्यापर्यंत झाली. तर मागील १० ते १२ दिवसांतही काहींनी पेरा केला..Bajra Sowing: बाजरीची आगाप पेरणी सुरू.पाऊसमान चांगले आहे. उन्हाळ्यातही अनेक भागांत जलसाठे मुबलक राहतील. यामुळे अनेकांनी पेराणी केली आहे. एकरी सात ते आठ क्विंटल उत्पादन आणि कमी खर्च यासाठी अनेक जण बाजरीची पेरणी करतात. खानदेशात धुळ्यातील शिंदखेडा, जळगाव जिल्ह्यातील पाचोरा, चाळीसगाव, अमळनेर, भडगाव हा भाग बाजरीसाठी प्रसिद्ध आहे. शिंदखेड्यातील बाजरीस अधिकची पसंती असते..Bajra Sowing: बाजरीची पेरणी सुरूच; क्षेत्र किंचित वाढण्याचे संकेत.जळगाव जिल्ह्यातील पेरणी यंदा चार हजार हेक्टरवर आहे. धुळ्यात अडीच हजार हेक्टरवर आणि नंदुरबारातही दीड हजार हेक्टरवर बाजरीची पेरणी अपेक्षित आहे. खरिपातही खानदेशात सहा ते सात हजार हेक्टरवर बाजरीची पेरणी केली जाते. जळगाव जिल्ह्यात केळी पिकासाठी बेवड म्हणून चोपडा, यावल भागातही बाजरी पीक पेरा झाला आहे..सध्या बाजरीचे दर टिकून आहेत. मागील दोन वर्षे सरासरी दर १८०० रुपये प्रति क्विंटल, असा जागेवर मिळाला आहे. तसेच काही शेतकऱ्यांना २००० ते २२०० रुपये प्रति क्विंटलचा दरही मिळाला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
