Jalgaon News: खानदेशात आगाप बाजरीची पेरणी सुरू झाली आहे. यंदा तिन्ही जिल्ह्यांतील एकूण क्षेत्र सुमारे साडेसात हजार हेक्टरवर स्थिर राहील, असे संकेत आहेत. खानदेशात बाजरीची पेरणी मागील दोन वर्षे सात ते साडेसात हजार हेक्टरवर झाली आहे. यंदा देखील पेरणी स्थिर राहील. .कारण बाजरीचे दर टिकून आहेत. मागील दोन वर्षे सरासरी दर १८०० रुपये प्रतिक्विंटल, असा जागेवर मिळाला आहे. तसेच काही शेतकऱ्यांना २००० ते २२०० रुपये प्रतिक्विंटलचा दरही मिळाला आहे. एकरी सात ते आठ क्विंटल उत्पादन आणि कमी खर्च शिवाय बेवडसाठी चांगला उपयोग यासाठी खानदेशात केळी पट्ट्यातही बाजरीची पेरणी केली जाते..Bajra Sowing: बाजरीच्या पेरणीत यंदा वाढ होण्याची शक्यता.तसेच धुळ्यातील शिंदखेडा, जळगाव जिल्ह्यातील पाचोरा, चाळीसगाव, अमळनेर, भडगाव या भागात उन्हाळ पिकांत बाजरीला अधिक पसंती असते. जळगाव जिल्ह्यातील पेरणी यंदा तीन ते अडीच ते तीन हजार हेक्टरवर जाईल. तर धुळ्यात सुमारे दीड हजार हेक्टरवर आणि नंदुरबारातही एक हजार हेक्टरवर बाजरीची पेरणी अपेक्षित आहे..Bajra Farming: बाजरी पीक कणीस, फुलोरा अवस्थेत.खरिपातही खानदेशात सहा ते सात हजार हेक्टरवर बाजरीची पेरणी केली जाते. रब्बीतही क्षेत्र पाच हजार हेक्टरपेक्षा अधिक असते. जळगाव जिल्ह्यात केळी पिकासाठी बेवड म्हणून चोपडा, यावल भागातही बाजरी पीक असते. नंदुरबारमधील शहादा भागातही कापूस पीक काढल्यानंतर त्यात बाजरीची पेरणी केली जाते. चांगला चारा व धान्य यासाठी शेतकरी बाजरीला खानदेशात पसंती देतात..पेरणीला सुरवातकमी कालावधीचे पीक म्हणूनही बाजरीची ओळख आहे. परंतु एप्रिलमध्ये बाजरीचे पीक घेऊन क्षेत्र रिकामे व्हावे यादृष्टीने शेतकऱ्यांचे नियोजन सुरू आहे. त्यासाठी आगाप पेरणी केळीपट्ट्यात सुरू झाली आहे. काही शेतकऱ्यांनी कांदेबाग केळीची काढणी ९५ ते ९७ टक्के झाल्याने त्यात पूर्वमशागत उरकून पेरणी केली आहे. सिंचनासाठी ठिबकचा उपयोग केला जात आहे. अनेक शेतकरी हलक्या जमिनीत गहू, हरभरा जोमात येत नसल्याने त्यात बाजरीची पेरणी करीत आहेत. पेरणी जानेवारीच्या पहिल्या आठवड्यापर्यंत सुरू राहणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
