Khandesh Banana Harvest: खानदेशात आगाप कांदेबाग केळीची काढणी सुरू झाली असून सध्या बाजारातील आवक मर्यादित आहे. आगामी श्रावण महिना, गणेशोत्सव आणि सणासुदीच्या काळात केळीची मागणी वाढण्याची शक्यता असल्याने उत्पादकांना चांगला दर मिळण्याची अपेक्षा व्यक्त केली जात आहे..सध्या बाजारात केळीची आवक तुलनेने कमी आहे. गेल्या वर्षी जुलै ते सप्टेंबरदरम्यान लागवड करण्यात आलेल्या कांदेबाग बहरातील केळीची काढणी सुरू झाली आहे. या प्रकारची लागवड जळगाव जिल्ह्यात सर्वाधिक असून चोपडा, जळगाव, यावल, मुक्ताईनगर, रावेर, भडगाव, पाचोरा, चाळीसगाव आणि जामनेर तालुक्यांत मोठ्या प्रमाणावर बागा आहेत..Banana Crop Insurance: केळीच्या पीकविम्यातील घोळ सुरूच; परताव्याबाबत अनिश्चितताही कायम.या बागांमधील निसवण मार्च ते मे या कालावधीत पूर्ण झाली होती. त्यामुळे आता या बागा काढणीच्या टप्प्यावर आल्या आहेत. उतिसंवर्धित रोपांपासून तयार केलेल्या केळीच्या बागांची वाढही समाधानकारक असून, या बागांमधील काढणीही एकाच कालावधीत होण्याची शक्यता आहे..Khanesh Banana Cultivation: मृग बहर केळी लागवड खानदेशात वाढण्याचे संकेत; क्षेत्र ८० हजार हेक्टरवर जाण्याची शक्यता.उत्तर भारतात लवकरच श्रावण महिन्याला सुरुवात होणार आहे. त्यानंतर महाराष्ट्रातही श्रावण, गणेशोत्सव आणि अन्य सणांचा कालावधी सुरू होईल. या काळात केळीची मागणी वाढत असल्याने उत्पादकांना त्याचा फायदा होण्याची अपेक्षा आहे..रोज ४५ ट्रक केळीची आवकसध्या खानदेशात केळीला प्रतिक्विंटल कमाल २,८०० रुपये, तर किमान १,८०० ते २,२०० रुपये दर मिळत आहेत. मध्य प्रदेशातील बऱ्हाणपूर बाजारातही केळीची आवक वाढत असून तेथे कमाल २,५०० रुपये प्रतिक्विंटल दर मिळत आहे. बऱ्हाणपूर बाजारात दररोज १६६ ते १६८ ट्रक (प्रत्येकी १२ ते १६ टन क्षमता) केळीची आवक होत आहे. त्याउलट खानदेशातून सध्या दररोज ४० ते ४५ ट्रक केळीची आवक होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
