Jalgaon News: खानदेशात पूर्वहंगामी कापूस लागवड घटली होती. त्यात यंदा उत्पादन कमी आले. रोगराई वाढली. त्यामुळे मागील काही दिवसांपासून पूर्वहंगामी कापूस पिकाखालील क्षेत्र रिकामे करण्यास गती आली आहे. त्यात मका, गहू आदी पिकांची पेरणी, लागवड सुरू असून यंदा क्षेत्र लवकर रिकामे होईल, असे दिसत आहे. .पूर्वहंगामी कापसाची लागवड खानदेशात १८ मे पासून सुरू झाली होती. काही शेतकऱ्यांनी परराज्यातील बियाणे घेऊन १५ मे पूर्वीच लागवड केली. खानदेशात कापसाची लागवड यंदा काहीशी कमी होईल, असे संकेत सुरुवातीपासून होते व हे संकेत खरे ठरले. २०२३-२४ च्या हंगामात जळगाव, धुळे व नंदुरबारात मिळून सुमारे आठ लाख ६० हजार हेक्टरवर कापूस लागवड झाली होती. २०२४-२५ मध्ये ही लागवड साडेआठ लाख ते आठ लाख ४० हजार हेक्टरवर झाली. तर २०२५-२६ मध्ये ही लागवड सुमारे पावणेआठ लाख हेक्टरवर झाली..Rabi Sowing: तीन जिल्ह्यांत किंचित वाढली रब्बी पेरणीची गती.जळगाव जिल्ह्यात २०२३ मध्ये एकूण लागवड पाच लाख ६७ हजार हेक्टरवर झाली होती. २०२४ मध्ये एकूण लागवड पाच लाख ११ हजार हेक्टरवर लागवड झाली. तर २०२५ मध्ये ही लागवड सुमारे चार लाख ८५ हजार हेक्टरवर झाली..परंतु पूर्वहंगामीकापसाची लागवड स्थिर राहिली. पूर्वहंगामी कापसाची सुमारे एक लाख ७० हजार हेक्टरवर खानदेशात लागवड झाली होती. जळगाव जिल्ह्यात एक लाख हेक्टरपेक्षा अधिक क्षेत्रात लागवड झाली..Rabi Sowing: अकोला जिल्ह्यात रब्बी पेरणीला वेग.क्षेत्र रिकामे करण्यास गतीपूर्वहंगामी कापूस पिकाखालील क्षेत्र रिकामे करण्यास या महिन्यातील दुसऱ्या पंधरवड्यात गती आली. ही गती कायम असून, क्षेत्र रिकामे करून त्यात गहू, मका व अन्य पिकांची पेरणी, लागवड केली जात आहे..सुमारे सव्वा लाख हेक्टर एवढे पूर्वहंगामी कापूस पिकाखालील क्षेत्र खानदेशात रिकामे झाल्याचा अंदाज आहे. कारण कापसाला हवा तसा दर नाही. फरदड किंवा खोडवा कापूस पिकात उत्पादन येत नाही. त्यात फरदड कापूस पिकाने हानी होते व रोगराई पुढे अधिक असते, असाही कयास, दावा आहे. यामुळे पूर्वहंगामी कापूस पिकाखालील क्षेत्र गतीने रिकामे होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
