Pune News: इंदापूर तालुक्यात केळी पिकावर करपा रोगाचा प्रादुर्भाव वाढत चालला आहे. बदलत्या हवामानाचा केळी पिकाला फटका बसतो आहे. यावर उपाययोजना करताना शेतकरी मेटाकुटीला आल्याची परिस्थिती पाहायला मिळत आहे..उजनी काठच्या वरकुटे बुद्रुक, अगोती नं.२, कळाशी, गंगावळण, कालठण या भागातील केळी पिकावर करप्याचा प्रादुर्भाव मोठ्या प्रमाणात दिसून आला आहे. केळी उत्पादक शेतकऱ्यांनी दिलेल्या माहितीनुसार, मे महिन्यामध्ये झालेल्या मॉन्सूनपूर्व पावसामुळे करपा रोगाला पूरक हवामान मिळाले आहे..Banana Disease : अकोला जिल्ह्यात केळीवर करपा रोगाचा प्रादुर्भाव.दरवर्षी शेतकरी प्रतिबंधात्मक उपाययोजना राबवत असतात. परंतु हवामानाच्या अनिश्चिततेमुळे आद्रता वाढून हा रोग सप्टेंबर- ऑक्टोबर ऐवजी जुलै महिन्यातच केळीवर आल्याने शेतकरी चिंतेत पडले आहेत..Banana Disease Management : केळी पिकातील ‘सिगाटोका’ रोग.झाडांमध्ये फळधारणा होण्याच्या कालावधीमध्ये बागेत करप्याचा शिरकाव झाल्यास मोठा फटका बसतो. परिणामी केळीच्या घडाचा आकार छोटा व फळांची संख्या देखील कमी होते. करप्यामुळे अनेक झाडांचे नुकसान झाले..अंतिम टप्प्यात असलेल्या केळी बागेतील विक्रीयोग्य मालावर त्याचा परिणाम होत आहे. त्यामुळे कमी बाजारभाव मिळून आर्थिक भुर्दंड बसत आहे. निर्यातक्षम केळीवरही करप्याचा मोठा परिणाम झाला आहे. हाततोंडाला आलेले पीक वाया जाते की काय, या भीतीने केळी उत्पादक धास्तावले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
