Chandrapur News : ई-पॉस मशिनमध्ये खत साठ्यात तफावत आढळून आल्याच्या पार्श्वभूमीवर जिल्ह्यातील ३१ कृषी केंद्रचालकांना ताकीद देण्यात आली. यापुढे असे प्रकार आढळून आल्यास कृषी केंद्राचा परवाना कायमचा रद्द करण्यात येईल, असा इशाराही देण्यात आला. .कृषी विभागाच्या तपासणी मोहिमेत काही कृषी केंद्रातून खताच्या साठ्यात मोठ्या प्रमाणावर तफावत आढळून आली होती. तफावत आढळून आलेल्या कृषी केंद्रचालकांची जिल्हा अधीक्षक कृषी कार्यालयात जनसुनावणी घेण्यात आली. त्यात या कृषी केंद्रचालकांना ताकीद देण्यात आली. जिल्ह्यात दीड हजारावर कृषी केंद्रे आहेत. .POS Device: खतविक्रीसाठी नवे पॉस मशिन बंधनकारक .या केंद्रांतून बियाणे, खते आणि कीटकनाशकांची विक्री केली जाते. कृषी निविष्ठांचा काळाबाजार होऊ नये, साठा, विक्री योग्य पद्धतीने व्हावी यासाठी राज्य शासनाने कृषी केंद्रांना ई-पॉस मशिन बंधनकारक केल्या आहेत. जिल्ह्यातील सर्वच कृषी केंद्रांना कृषी विभागाने ई-पॉस मशिन उपलब्ध करून दिल्या आहेत. .जिल्हा अधीक्षक कृषी अधिकारी कार्यालयाच्या गुण नियंत्रण निरीक्षकाच्या नेतृत्वात जिल्हाभरातील कृषी केंद्रांची तपासणी सुरू आहे. या तपासणीदरम्यान गोंडपिंपरी, चिमूर, ब्रह्मपुरी, सावली, कोरपना आणि नागभीड तालुक्यातील काही कृषी केंद्रात खताच्या साठ्यात मोठ्या प्रमाणावर तफावत आढळून आली होती..POS Machine in Agriculture: हमीभावाने शेतीमाल खरेदीसाठी आता पॉस मशिनचा वापर.या कृषी केंद्रांची सुनावणी पार पडली. याप्रसंगी जिल्हा अधीक्षक कृषी अधिकारी शंकर तोटावार, जिल्हा गुण नियंत्रक निरीक्षक श्रावण बोढे, सहायक कृषी अधिकारी घुगरे यांची उपस्थिती होती. सुनावणीदरम्यान ३१ कृषी केंद्रचालकांना ताकीद देण्यात आली..ई-पॅास मशीनमधील साठा तपासणीची मोहीम सुरूच आहे. खतांच्या साठ्यात तफावत आढळून आलेल्या प्रकरणांबाबत सुनावणी घेण्यात आली. त्यात ३१ केंद्रांना ताकीद देण्यात आली आहे. नियमानुसार खत, बियाणे आणि कीटकनाशकांची विक्री कृषी केंद्रांनी करावी अन्यथा कारवाई करण्यात येईल.- शंकर तोटावार, जिल्हा अधीक्षक कृषी अधिकारी चंद्रपूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
