Pune News: राज्यातील मुख्यमंत्री माझी लाडकी बहीण योजनेसाठी लाभार्थी महिलांना ई-केवायसी अनिवार्य करण्यात आल्याने दिवाळीचा हप्ता उशिरा मिळण्याची शक्यता आहे. नव्या नियमांनुसार, अविवाहित महिलांना वडिलांची, तर विवाहितांना पतीची ई-केवायसी करावी लागेल, ज्याद्वारे कुटुंबाच्या वार्षिक उत्पन्नाची पडताळणी होईल. उत्पन्न अडीच लाखांपेक्षा जास्त असल्यास लाभ बंद होऊ शकतो. यामुळे लाडक्या बहिणींना भाऊबीजेची आर्थिक भेट मिळण्यात अडथळा येऊ शकतो. ऑक्टोबरअखेरपर्यंत ही प्रक्रिया पूर्ण करणे गरजेचे आहे..अडीच लाखांच्या उत्पन्नाची मर्यादा विधानसभा निवडणुकीच्या अगोदर जाहीर करण्यात आलेल्या या योजनेच्या अंमलबजावणीसाठी राज्यभरातून सुमारे २ कोटी ५९ लाख महिलांनी अर्ज दाखल केले होते. त्यापैकी एकट्या सोलापूर जिल्ह्यात ११ लाख नऊ हजार महिलांनी या योजनेचा लाभ घेण्यासाठी नोंदणी केली. मार्च २०२५ पासून या योजनेच्या लाभार्थींची निकषांच्या आधारावर तपासणी सुरू झाली आहे. आता शेवटच्या टप्प्यात सरकारने ई-केवायसीला अनिवार्य केले असून, त्याद्वारे कुटुंबाच्या उत्पन्नाची बारकाईने छाननी होणार आहे. विशेष म्हणजे, जर लाभार्थी महिलेचे वार्षिक उत्पन्न किंवा तिच्या कुटुंबातील प्रमुख सदस्यांचे उत्पन्न अडीच लाख रुपयांपेक्षा जास्त असेल, तर त्या महिलेचा लाभ थांबवला जाईल..Ladki Bahin Yojana : लाडक्या बहिणींना आता पती, वडिलांचे ई-केवायसी बंधनकारक, काय आहे नवीन नियम.ई-केवायसी केल्यानंतरच योजनेचा लाभ मिळेल…नव्या नियमांनुसार, अविवाहित लाभार्थी महिलांना त्यांच्या वडिलांची ई-केवायसी करावी लागेल, तर विवाहित महिलांना त्यांच्या पतीची ई-केवायसी पूर्ण करणे आवश्यक आहे. यामुळे केवळ महिलेचे स्वतःचे उत्पन्न नव्हे, तर संपूर्ण कुटुंबाच्या आर्थिक स्थितीची पडताळणी होईल. असे केल्याने योजना खरेच गरजू महिलांपर्यंत पोहोचेल आणि गैरप्रकारांना आळा बसेल, असा सरकारचा दावा आहे. ही प्रक्रिया पूर्ण झाल्यानंतरच पुढील लाभ मिळू शकतो, त्यामुळे लाभार्थींनी वेळीच हे पूर्ण करणे गरजेचे आहे..ई-केवायसी करण्याची प्रक्रिया अगदी सोपी आणि ऑनलाइन आहे…लाभार्थी महिलांनी https://ladakibahin.maharashtra.gov.in या अधिकृत संकेतस्थळावर जावे.पुढील कागदपत्रे/माहिती तयार ठेवावी;पूर्ण नाव, पत्ता, शिधापत्रिका (रेशन कार्ड) क्रमांक, उत्पन्नाचे तपशील, आधार कार्डाची माहिती.Ladki Bahin Yojana: लाडकी बहीण योजनेचा गैरफायदा घेणाऱ्या ८ हजार महिला कर्मचाऱ्यांकडून होणार १५ कोटींची वसुली.संकेतस्थळावर "मुख्यमंत्री माझी लाडकी बहीण योजना" या पेजवर जावे.आधार क्रमांक टाकावा.कॅप्चा कोड भरून आधार प्रमाणीकरणासाठी संमती द्यावी.संमतीचा मजकूर वाचून "मी सहमत आहे" या पर्यायावर क्लिक करावे.पुढे "ओटीपी पाठवा" हा पर्याय निवडावा. आधारशी जोडलेल्या मोबाइल नंबरवर ओटीपी येईल. ओटीपी टाकून सबमिट केल्यावर ई-केवायसी प्रक्रिया पूर्ण होते..या योजनेच्या पडताळणीत एकूण चार प्रमुख टप्पे आहेत. पहिल्या टप्प्यात लाभार्थी कुटुंबाकडे चारचाकी वाहन आहे का, याची तपासणी केली जाते. दुसऱ्या टप्प्यात इतर वैयक्तिक सरकारी योजनांचा लाभ घेणाऱ्या लाभार्थींची यादी तयार केली जाते. तिसऱ्या टप्प्यात वयाची अट पूर्ण करत नसलेल्या लाभार्थींना वगळले जाते. आणि शेवटच्या चौथ्या टप्प्यात उत्पन्न मर्यादेची पडताळणी करण्यासाठी ई-केवायसी अनिवार्य आहे. हे सर्व टप्पे पूर्ण झाल्यानंतरच लाभार्थींना योजना सुरू राहते..सध्या या योजनेच्या निकषांनुसार सर्व लाभार्थींची पडताळणी वेगाने सुरू झाली आहे. प्रत्येक पात्र लाभार्थी महिलांनी ई-केवायसी करणे आवश्यक असून, त्यासाठी ऑक्टोबर महिन्याच्या शेवटपर्यंत मुदत देण्यात आली आहे. अविवाहित महिलांनी वडिलांची आणि विवाहितांनी पतीची ई-केवायसी पूर्ण केल्याशिवाय लाभ मिळणार नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
