Ladki Bahin Yojana : मुख्यमंत्री माझी लाडकी बहीण योजनेसाठी ई-केवायसी अनिवार्य करण्यात आली आहे. त्यासाठी या योजनेच्या सर्व लाभार्थींना पुढील दोन महिन्यांच्या आत e-KYC प्रक्रिया पूर्ण करावी लागणार आहे. याबाबतची माहिती माहिला आणि बालविकास मंत्री आदिती तटकरे यांनी दिली आहे..लाडकी बहीण योजनेतील सर्व लाभार्थी भगिनींसाठी https://ladakibahin.maharashtra.gov.in/ या वेब पोर्टलवर e-KYC सुविधा उपलब्ध करून दिली आहे. त्यावर पुढील २ महिन्यांच्या आत सदर e-KYC प्रक्रिया पूर्ण करावी. ही प्रक्रिया अतिशय सहज, सोपी आणि सुलभ असल्याचे तटकरे यांनी म्हटले आहे..Ladki Bahin Yojana : विभक्त रेशनकार्डधारक सुना ‘लाडकी बहीण’साठी पात्र.या योजनेमध्ये पारदर्शकतेला सर्वोच्च प्राधान्य दिले जात आहे. त्यासाठी पात्र लाभार्थ्यांनी या योजनेचा नियमित लाभ मिळण्यासाठी ही प्रक्रिया पूर्ण करावी, असे आवाहन त्यांनी केले आहे..हा निर्णय सरकारी आदेशा (GR) द्वारे औपचारिकरित्या जारी करण्यात आला आहे. या योजनेला शासनाने २८ जून २०२४ रोजी मान्यता दिली होती. तर ही योजना जुलै २०२४ मध्ये सुरू करण्यात आली. या योजनेनुसार, २१ ते ६५ वर्षे वयोगटातील महिलांना दरमहा १,५०० रुपयांची आर्थिक मदत दिली जाते. वार्षिक उत्पन्न २.५ लाखांपेक्षा अधिक नसलेल्या महिलांना या योजनेला लाभ दिला जातो..राज्यातील महिलांच्या आर्थिक स्वातंत्र्यासाठी आणि त्यांच्या आरोग्य आणि पोषणात सुधारणा करण्यासाठी, तसेच कुटुंबातील त्यांची निर्णायक भूमिका मजबूत करण्यासाठी महाराष्ट्रात "मुख्यमंत्री-माझी लाडकी बहीण" योजनेची प्रभावी अंमलवजाणी केली जात आहे. सदर योजनेंतर्गत पात्र लाभार्थी महिलेला थेट लाभ हस्तांतरणाद्वारे (Direct Benefit Transfer) आर्थिक लाभाची रक्कम त्यांच्या बॅंक खात्यात जमा करण्यात येते..Ladki Bahin Yojana: मराठवाड्यातील १ लाख २४ हजार लाडक्या बहिणी अपात्र; योजनेत खोटी कागदपत्रे सादर केल्यामुळे कारवाई."मुख्यमंत्री-माझी लाडकी बहीण" या योजनेसंदर्भात आधार (आर्थिक आणि इतर अनुदाने, लाभ आणि सेवांचे लक्ष्यित वितरण) अधिनियम, २०१६ च्या कलम ७ मधील तरतुदींच्या अनुषंगाने १ ऑगस्ट २०२४ अन्वये अधिसूचना अधिसूचित केली. सदर अधिसूचनेनुसार लाडकी बहीण या योजनेअंतर्गत लाभ घेण्यास पात्र असलेल्या व्यक्ती आधार क्रमांक बाळगत असल्याचा पुरावा सादर करेल. अथवा आधार अधिप्रमाणन करेल, असे नमूद केले आहे..कशी करावी प्रक्रिया?राज्य मंत्रिमंडळाने घेतलेल्या निर्णयानुसार दरवर्षी जून महिन्यात या योजनेतील लाभार्थ्याचे e-kyc करावयाचे आहे. त्यामुळे महिला आणि बाल विकास विभागाकडून सदर योजनेंतर्गत पात्र लाभार्थी महिलांची पडताळणी आणि प्रमाणीकरण करण्यासाठी e-KYC माध्यमातून आधार पडताळणी केली जात आहे. त्यासाठी "मुख्यमंत्री माझी लाडकी बहीण" योजनेच्या पोर्टलवर जावे लागेल. ई-केवायसी करताना लाभार्थी महिलांना आधार क्रमांक नोंद करावा लागणार आहे..या योजनेंतर्गत दरवर्षी जून महिन्यापासून २ महिन्यांच्या कालावधीत या योजनेतील लाभार्थ्यांनी e-KYC करणे बंधनकारक राहील, असे शासकीय आदेशात नमूद केले आहे..२६.३४ लाख लाभार्थी अपात्रया योजनेचा लाभ काही पुरुषांनाही घेतला आहे. त्यासाठी २६.३४ लाख अपात्र लाभार्थींना या योजनेचा लाभ घेण्यास स्थगिती दिली आहे. सध्या या योजनेचे सुमारे २.२५ कोटी लाभार्थी आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
