Pune News: राज्यातील अनेक शेतकऱ्यांची ई-पीक पाहणी अद्याप झालेली नाही. त्यांची ई- पीक पाहणी पूर्ण करण्यासाठी महसूल विभागाने मुदतवाढ दिली आहे. सहाय्यक स्तरावरील पीक पाहणीची मुदत ३० नोव्हेंबरपर्यंत वाढवण्यात आल्याची माहिती महसूल मंत्री चंद्रशेखर बावनकुळे यांनी दिली. शेतकऱ्यांनी तत्काळ संबंधित सहाय्यकामार्फत पीक पाहणी करून घ्यावी, असे आवाहन त्यांनी केले आहे..सरकारने यंदा १०० टक्के ई- पीक पाहणीचे उद्दिष्ट ठेवले आहे. ऑगस्ट महिन्यात ई- पाहणीला सुरुवात झाली होती. पहिल्या टप्प्यात शेतकऱ्यांना स्वतः ई- पीक पाहणी करण्याची मुदत दिली आहे. परंतु पहिला महिनाभर अनेक अडचणी आल्या. त्यानंतर शेतकऱ्यांनी ई- पीक पाहणी केली..E Crop Survey : ई-पीक पाहणीसाठी २० सप्टेंबरपर्यंत मुदतवाढ; सर्व्हरचा गोंधळ मिटणार कधी? .परंतु अनेक शेतकऱ्यांची ई- पीक पाहणी झाली नव्हती. शेतकऱ्यांना पीक पाहणी करण्याची मुदत संपल्यानंतर सहाय्यक पातळीवर ई- पीक पाहणी सुरु झाली होती. तरीही राज्यातील काही भागात सध्या सुरु असलेला अवकाळी पाऊस, पूरसदृश परिस्थिती यामुळे संपूर्ण पीक क्षेत्राची नोंदणी झालेली नाही. या पार्श्वभूमीवर पीक नोंदणीला मुदतवाढ देण्यात आली आहे..E-Crop Survey: ई-पीक पाहणीत सर्व्हरमध्ये अडथळे.१०८ लाख हेक्टरची नोंद पूर्णराज्यात यंदा खरिपात जवळपास १४४ लाख हेक्टरवर खरिपाचा पेरा झाला. परंतु ई-पीक पाहणीच्या माध्यमातून १०८ लाख हेक्टरच्या दरम्यान खरीप पिकांची नोंद झाली आहे. १ ऑक्टोबरपासून सहाय्यक स्तरावरील पीक पाहणी सुरु आहे. त्यासाठी आधी २९ ऑक्टोबरपर्यंत अंतिम मुदत होती. परंतु आता ३० नोव्हेंबरपर्यंत मुदतवाढ दिली आहे. १०० टक्के पीक पाहणी पूर्ण करण्याचे सरकारचे उद्दिष्ट आहे..सहाय्यकांची पीक पाहणीसहाय्यक हे प्रत्यक्ष शेतात जाऊन पिकाची पाहणी करतात. त्यानंतर सहाय्यकाने केलेल्या या पीक पाहणीची शंभर टक्के तपासणी ग्राम महसूल अधिकाऱ्यामार्फत केली जाते. ग्राम महसूल अधिकाऱ्यांनी कार्यवाही पूर्ण केल्यानंतर मंजूर केलेली पीक पाहणी ७/१२ वर नोंदली जाते, अशी ही प्रक्रिया आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
