Dry Spell Monsoon: खानदेशात उष्णता वाढत आहे. सकाळी ढग दाटून येतात. पण दुपारी सुसाट वारा व ऊन अशी स्थिती असते. पाऊस हुलकावणी देत असल्याने शेतकऱ्यांना पावसाची प्रतीक्षा लागली आहे. पेरण्या बऱ्यापैकी पूर्ण झाल्या आहेत. पण पाऊस कमी आहे. पावसाची मोठी तूट आहे. नंदुरबारात १३ जुलैपर्यंत २८४ मिलिमीटर पाऊस अपेक्षित असतो. पण जिल्ह्यात ८३ मिलिमीटर पाऊस १३ जुलैपर्यंत झाला आहे. .जळगाव जिल्ह्यात १३ जुलैपर्यंत २०३ मिलिमीटर पाऊस होण्याची गरज होती. पण जिल्ह्यात १३ जुलैपर्यंत १७४ मिलिमीटर पाऊस झाला आहे. धुळ्यात आतापर्यंत १९३ मिलिमीटर पाऊस व्हायला हवा होता, पण धुळे जिल्ह्यात आतापर्यंत १७२ मिलिमीटर पाऊस झाला आहे. नंदुरबारात सर्वाधिक ७१ टक्के पावसाची तूट आहे. जळगाव जिल्ह्यातही यावल, जळगाव, भुसावळ भागात अल्प पाऊस झाला आहे..Dry Spell After Sowing: पेरणीनंतर पावसाचा खंड पडल्यास काय कराल?.पेरण्या आटोपतानाच पावसाने दडी मारली आहे. पेरणीनंतर अनेक भागात पाऊस आलेला नाही. त्यात मागील तीन दिवसांपासून दुपारी ऊन तापते. उष्णता वाढली आहे. कमाल तापमान ३८ अंश सेल्सिअसवर पोचले आहे. हलक्या, मुरमाड जमिनीत वाफसा नाहीसा झाला असून, पिके माना टाकत आहे. खानदेशात २५ जूनपर्यंत कमाल क्षेत्रात पाऊस नव्हता..जूनअखेरीस पाऊस आला. जुलैतही सुरवातीला पाऊस काही भागात होता. पण आता पाऊस नाही. जेथे कमी पाऊस आहे, तेथे स्थिती बिकट बनत आहे. काळ्या कसदार जमिनीत बागायती कापूस पिकाची स्थिती बरी आहे. परंतु कोरडवाहू पिकांना पावसाची नितांत गरज आहे..Re Sowing Kharif: दुबार पेरणी करताना कोणती काळजी घ्यावी?.शेतकऱ्यांना आशा...पावसाबाबत विविध अंदाज शासकीय संस्था, खासगी संस्था देत आहेत. पण पाऊस जोरात येत नाही. सकाळी ढग जमा होतात. दुपारी उकाडा व उष्णता असते. अशात शेतकऱ्यांना पावसाची अपेक्षा, आशा आहे. कारण पेरणीवर पाऊस यायला हवा. एक जोरदार पाऊस आल्यास दिलासा मिळेल..केळी, पपईत सिंचनउष्णता वाढत असल्याने शेतकऱ्यांनी केळी, पपई पिकात सिंचन सुरू केले आहे. लहान केळी बागांत सिंचन अनेक भागात केले जात आहे. अनेक शेतकरी एक-दोन दिवसाआड दोन तास पिकास पाणी देत आहेत. तसेच विद्राव्य खतेही पिकास दिली जात आहेत. सिंचनासाठी विजेची किंवा कृषिपंप सुरू करण्याची गरज असते. पण अनेक भागात शिवारात विजेची अडचण आहे. यामुळे सिंचनातही अडथळे येत असल्याचे सांगितले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
