Jalgaon News : खानदेशात कमाल क्षेत्रात सध्या किंवा या आठवड्यात पावसाचे सातत्य नाही. अनेक भागांत कोरडे, ढगाळ वातावरण आहे. सूर्यदर्शन होत असून, फवारणी, तणनियंत्रण आदी कामे हलक्या, मध्यम जमिनीच्या भागात सुरू झाली आहेत. परंतु उष्णताही आहे. यामुळे शेतीकामे करताना शेतकरी सकाळीच शेतात पोचत आहेत. दुपारी कमाल तापमान ३४ अंश सेल्सिअसवर पोचते. .मध्यंतरी काही दिवस सतत पाऊस, ढगाळ वातावरण होते. यामुळे तणनियंत्रण, फवारणी, काढणी, मळणीची कामे ठप्प झाली होती. यातच सध्या पावसाने उसंत घेतल्याने शेतकऱ्यांनी कमी वाफशातदेखील कापूस वेचणी, फवारणीची कामे हाती घेतली आहेत. .Parbhani Rainfall : ऑगस्टमध्ये पाच वर्षानंतर सरासरीपेक्षा जास्त पाऊस.तणनियंत्रणदेखील हलक्या, मध्यम जमिनीत सुरू झाले आहे. शेतकरी कोरड्या, स्वच्छ सूर्यप्रकाशित वातावरणाची प्रतीक्षा गेले अनेक दिवस करीत होते. प्रतिकूल वातावरणामुळे मजुरांनादेखील काम नव्हते. पण वातावरण अनुकूल होत असल्याने एकाच वेळी फवारणी, तणनियंत्रण आदी कामे शेतकऱ्यांनी हाती घेतली आहेत..मजूरटंचाई कायममजूरटंचाई कायम आहे. अनेक भागांत उडीद, सोयाबीन पिकाची हानी झाली आहे. पण हलक्या, उताराच्या, माथ्यावरील जमिनींमध्ये पीकस्थिती बरी आहे. पूर्वहंगामी कापूस पिकात बोंडे उमलली आहेत. त्यात वेचणीला वेग आला आहे. गणेशोत्सव इतर स्थानिक उत्सवांसाठी मजूर मंडळी आपापल्या भागात परतली होती. परंतु आता ही मंडळी काढणी, मळणीसाठी आपल्या गावी परतु लागली आहेत. .Khandesh Rainfall : अनेक तालुक्यांत १०० टक्क्यांवर पाऊस .केळी काढणीलाही वेग आला आहे. मध्यंतरी फक्त मुख्य मार्गांवरील किंबा डांबरी, पक्क्या रस्त्यांवरील केळी बागांमध्ये जळगाव, चोपडा, पाचोरा-भडगाव भागात काढणी सुरू होती. पण वातावरण कोरडे होत असल्याचे दिसताच शिवारातही काढणीसाठी ट्रक, मोठी वाहने पोचू लागली आहेत. .काही भागात ज्वारी, सोयाबीन पक्व होऊन मळणीवर येत आहे. पण ज्वारीची मळणी आणखी २० ते २५ दिवसांनंतर सुरू होईल. तूर पिकात शेतकरी फवारणी घेत आहेत. तसेच भाजीपाला पिकांमध्ये तणनियंत्रण खते देण्याचे कामही सुरू झाल्याचे दिसत आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
