Turmeric Farming: यंदाच्या विलंबित मॉन्सूनचा आणि त्यानंतर पडलेल्या पावसाच्या खंडाचा फटका हळद पिकालाही बसला आहे. पावसाअभावी हळदीची लागवड सुमारे महिनाभर उशिराने झाली. सध्या देशात सुमारे २ लाख ७२ हजार हेक्टर क्षेत्रावर लागवड पूर्ण झाली असली, तरी पावसाने पुन्हा ओढ दिल्याने एकूण क्षेत्रापैकी सुमारे २० टक्के (५४ हजार हेक्टर) क्षेत्रावरील हळदीच्या उगवण व सुरुवातीच्या वाढीवर प्रतिकूल परिणाम झाल्याचा प्राथमिक अंदाज हळद संशोधन केंद्राने व्यक्त केला आहे..२०२४-२५ मध्ये देशात ३ लाख १० हजार ९६३ हेक्टर, तर गतवर्षी ३ लाख १२ हजार ९१ हेक्टर क्षेत्रावर हळदीची लागवड झाली होती. गतवर्षी पूर्वमोसमी आणि मॉन्सूनच्या पावसामुळे लागवड वेळेत पूर्ण झाली आणि क्षेत्रात १,१२८ हेक्टरांची वाढ झाली होती..Turmeric Price: अकोल्यात हळदीला सरासरी १३,९०० रुपये प्रति क्विंटल दर.यंदा मात्र तीव्र उष्णतेची लाट आणि मॉन्सूनच्या आगमनातील विलंबामुळे लागवड मोठ्या प्रमाणावर रखडली. त्यानंतर पाऊस सुरू झाल्याने शेतकऱ्यांनी लागवडीला वेग दिला. हवामान अनुकूल राहिल्यास जुलैअखेर देशातील हळद लागवड पूर्ण होईल, असा अंदाज आहे..Turmeric Farmers Support: हळदीला विमा संरक्षणाने शेतकऱ्यांना दिलासा.हळद संशोधन केंद्राच्या मते, यंदा गतवर्षीच्या तुलनेत हळदीखालील क्षेत्रात २० ते ३० हजार हेक्टरची वाढ होऊन एकूण क्षेत्र ३.३२ ते ३.४० लाख हेक्टरपर्यंत पोहोचण्याची शक्यता आहे. सध्या हळदीच्या वाढीचा महत्त्वाचा टप्पा सुरू आहे. मात्र, गेल्या पंधरा दिवसांपासून प्रमुख उत्पादक राज्यांमध्ये पावसाचा खंड पडल्याने अनेक भागांत उगवण समाधानकारक झालेली नाही. पुरेशा ओलाव्याअभावी सुरुवातीची वाढही मंदावली असून, त्याचा पुढील उत्पादनावर परिणाम होण्याची भीती व्यक्त केली जात आहे..गेल्या काही दिवसांपासून हवामानात सातत्याने बदल होत असून, त्यातच पावसाच्या खंडाचा मोठा फटका हळद पिकाला बसला आहे. पुरेशा ओलाव्याअभावी अनेक भागांत हळदीची उगवण अपेक्षेप्रमाणे झाली नाही. तसेच सुरुवातीच्या अवस्थेतील पिकाची वाढही मंदावली असून, याचा उत्पादनावर परिणाम होण्याची शक्यता आहे.डॉ. मंजूनाथ पाटील, प्रभारी अधिकारी, हळद संशोधन योजना, कसबे डिग्रज.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
