Water Shortage: साडेतीन महिन्यांपासून पावसाने दडी मारल्याने विहिरी व बोअरची पाणीपातळी तळाला गेली आहे. तीव्र चारा टंचाई, पावसाअभावी वाया गेलेला खरीप हंगाम, खोळंबलेल्या रब्बीच्या पेरण्या आणि उसावर वाढलेला हुमणीचा प्रादुर्भाव अशा अनेक संकटांनी मोहोळ तालुका गडद दुष्काळाच्या छायेत सापडला आहे. त्यामुळे शेतकरी मोठ्या आर्थिक अडचणीत असून, तालुक्यात त्वरित दुष्काळ जाहीर करण्याची मागणी जोर धरू लागली आहे..जूनपासून पावसाळा सुरू होऊन सप्टेंबरचा निम्मा कालावधी उलटला तरी तालुक्यात समाधानकारक पाऊस झालेला नाही. त्यामुळे विहिरी व बोअरची पाणीपातळी खालावली आहे. चाऱ्याची गरज भागविण्यासाठी अनेक शेतकऱ्यांनी मोठ्या प्रमाणात मक्याची पेरणी केली. मात्र पावसाअभावी मका जळून गेल्याने तालुक्यात तीव्र चारा टंचाई निर्माण झाली आहे..Kharif Crop Survey: तालुका समित्यांनी वस्तुनिष्ठ पीक पाहणी अहवाल द्यावा : कीर्ती किरण पुजार.त्याचा दूध उत्पादक शेतकऱ्यांना मोठा फटका बसला असून, दूध उत्पादन निम्म्यावर आले आहे.शेतकऱ्यांनी तूर, सोयाबीन, उडीद, मूग यासह अन्य खरीप पिकांची पेरणी केली होती. मात्र पावसाने दडी मारल्याने ही पिके वाया गेली आहेत. चाऱ्यासाठी पेरलेल्या मक्याचीही राख झाली. त्यासाठी शेतकऱ्यांनी ५०० ते १,००० रुपये किमतीच्या मक्याच्या बियाण्याच्या पिशव्या खरेदी केल्या होत्या. बैलपोळ्यानंतर ज्वारीच्या पेरणीला सुरुवात होते. मात्र पाऊस नसल्याने रब्बीच्या पेरण्या खोळंबल्या आहेत..Kharif Distress : पिकांनी टाकल्या माना; चिंता वाढली.कांदा रोपेही वायापावसाळा व हवामानाच्या अंदाजावर विश्वास ठेवून अनेकांनी कांदा लागवडीसाठी रोपे टाकली होती. मात्र पाऊस नसल्याने कांद्याची रोपे वाया गेली आहेत.उसावर हुमणीचे संकटउसाची वाढ खुंटली आहे. विहिरीचे पाणी पुरत नसल्याने जमिनी कायम वाफशावर राहत आहेत. त्यामुळे उसावर हुमणीचा मोठ्या प्रमाणात प्रादुर्भाव झाला आहे..दुष्काळी अहवालाकडे लक्षतालुक्यातील पिकांची व दुष्काळी परिस्थितीची वस्तुनिष्ठ पाहणी करण्यासाठी जिल्हाधिकाऱ्यांनी सहा सदस्यीय तालुकास्तरीय समिती स्थापन केली आहे. प्रांताधिकारी समितीचे अध्यक्ष असून, तालुका कृषी अधिकारी, तहसीलदार, गटविकास अधिकारी, कृषी विज्ञान केंद्रातील शास्त्रज्ञ व पुरस्कारप्राप्त शेतकरी हे सदस्य आहेत. समितीने ११ रोजी तालुक्यातील पाच गावांमधील तूर, सोयाबीन, उडीद, मूग, ऊस व मका या पिकांची पाहणी केली आहे. येत्या दोन दिवसांत समिती वरिष्ठांकडे अहवाल सादर करणार असल्याची माहिती तहसीलदार सचिन मुळीक यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
