Maharashtra Agriculture : यवतमाळ पावसाने पाठ फिरवल्याने खरीप पिकांचे मोठ्या प्रमाणात नुकसान झालेल्या आर्णी तालुक्याचा दुष्काळग्रस्त तालुक्यांमध्ये समावेश करण्यात आला आहे. मात्र, दुष्काळ जाहीर करून विविध सवलती लागू केल्या असल्या तरी पीकनुकसानीपोटी शेतकऱ्यांना हेक्टरी किती आर्थिक मदत मिळणार, याबाबत अद्याप स्पष्टता नाही. त्यामुळे शेतकऱ्यांमध्ये अस्वस्थता वाढली आहे..दुष्काळी सवलतींमध्ये जमीन महसुलात सूट, पीककर्जाचे पुनर्गठन, शेतीशी संबंधित कर्जाच्या वसुलीस स्थगिती, कृषी पंपांच्या वीजबिलात सवलत, विद्यार्थ्यांच्या परीक्षा शुल्कात माफी, रोजगार हमीच्या कामांच्या निकषांत शिथिलता, आवश्यकतेनुसार टँकरने पाणीपुरवठा तसेच जनावरांसाठी चारा व पाण्याची व्यवस्था यांचा समावेश आहे. मात्र, पीकनुकसानीची प्रत्यक्ष आर्थिक मदत पंचनामे व विहित प्रक्रिया पूर्ण झाल्यानंतर स्वतंत्र शासन निर्णयाद्वारे जाहीर केली जाणार आहे..Rohit Pawar Demands Drought Declaration: शेतीसमोर संकट अधिक गडद? तत्काळ दुष्काळ जाहीर करा, रोहित पवारांची मुख्यमंत्र्यांकडे मागणी, १० मुद्दे केले उपस्थित.त्यामुळे दुष्काळ जाहीर झाल्यानंतरही आर्णी तालुक्यातील शेतकऱ्यांसमोर ‘हेक्टरी मदत किती?’ हा प्रश्न कायम आहे. सोयाबीन, कपाशी, तूर यासह अन्य खरीप पिकांचे नुकसान झाले असताना तातडीने पंचनामे करून आर्थिक मदतीचा स्वतंत्र शासन निर्णय काढावा, अशी मागणी शेतकऱ्यांकडून होत आहे..Drought Declaration Demands: प्रत्यक्ष नुकसानीच्या आधारे दुष्काळ जाहीर करा : झनक.आर्णी तालुक्यात पावसातील अनियमितता आणि दीर्घ खंडामुळे खरीप पिकांना मोठा फटका बसला आहे. अनेक भागांत कपाशीची अपेक्षित वाढ झालेली नाही. झाडे लहान राहून फुले व पाते गळण्यास सुरुवात झाली आहे. सोयाबीनच्या शेंगा पूर्ण भरलेल्या नाहीत, तर काही ठिकाणी पीक वाळून गेले आहे. तुरीच्या पिकालाही पावसाअभावी फटका बसला आहे. बियाणे, खते, कीटकनाशके, मशागत आणि मजुरीवर खर्च करूनही उत्पादन घटण्याची शक्यता असल्याने शेतकऱ्यांसमोर आर्थिक संकट उभे राहिले आहे. लागवडीचा खर्चही निघणे कठीण झाल्याने कर्जफेड आणि पुढील हंगामाची तयारी कशी करायची, अशी चिंता शेतकऱ्यांकडून व्यक्त होत आहे..हेक्टरी ५० हजारांची मागणीनुकसानग्रस्त शेतकऱ्यांना सरसकट हेक्टरी ५० हजार रुपये आर्थिक मदत देऊन ती थेट बँक खात्यावर जमा करावी, अशी मागणी शेतकरी वर्गातून होत आहे. पीकनुकसान भरपाईसाठी स्वतंत्र शासन निर्णय तातडीने काढावा, पंचनामे व निधी वितरणात विलंब होऊ नये आणि पीककर्ज वसुलीवरील स्थगिती प्रभावीपणे लागू करावी, अशीही मागणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
