Crop Loss Compensation Process: खरीप हंगाम २०२६ मध्ये पर्जन्यमानातील तूट आणि अन्य घटकांमुळे दुष्काळी परिस्थिती निर्माण झालेल्या जिल्ह्यातील आठ तालुक्यांमध्ये पिकांच्या नुकसानीचे पंचनामे संथ गतीने सुरू आहेत. जिल्ह्यातील या आठ तालुक्यांमध्ये विविध पिकांखालील एकूण ८ लाख २८ हजार ४२८ हेक्टर क्षेत्राची नोंद असताना, पंचनामे पूर्ण झालेल्या क्षेत्राचे प्रमाण तुलनेने कमी आहे. त्यामुळे उर्वरित नुकसानग्रस्त शेतकऱ्यांच्या पिकांचे पंचनामे वेळेत पूर्ण करण्याचे आव्हान कृषी विभागासमोर उभे राहिले आहे..राज्य शासनाने २५ सप्टेंबर २०२६ रोजीच्या शासन निर्णयानुसार, खरीप हंगामात पर्जन्यमानातील तूट आणि अन्य घटकांनी प्रभावित झालेल्या तसेच ट्रिगर-१ लागू झालेल्या तालुक्यांमध्ये दुष्काळी परिस्थिती जाहीर केली आहे. यामध्ये पुणे जिल्ह्यातील भोर, वेल्हा, खेड, शिरूर, बारामती, इंदापूर, दौंड आणि पुरंदर या आठ तालुक्यांचा समावेश आहे. या तालुक्यांमध्ये शासनाच्या निर्देशानुसार पिकांच्या नुकसानीची नोंद घेण्याची कार्यवाही सुरू आहे..संबंधित क्षेत्रात शेतीपिकांसह ऊस, फळपिके, भाजीपाला, चारापिके आणि फुलपिकांचा समावेश आहे. पिकांच्या नुकसानीचे पंचनामे पूर्ण झाल्यानंतर नुकसानग्रस्त क्षेत्राची नोंद आणि शेतकऱ्यांची माहिती उपलब्ध होणार आहे. मात्र, पंचनाम्यांची प्रक्रिया अद्याप सुरू असल्याने उर्वरित शेतकऱ्यांच्या नुकसानीची नोंद घेण्यावर भर देण्याची गरज आहे..Drought Verification Survey: १८ तालुक्यांत होणार पडताळणी पाहणी.प्राप्त अहवालानुसार, पुणे जिल्ह्यात आतापर्यंत ८२५ गावांतील ६४ हजार ८७५ खातेदारांच्या ३३ हजार ९७६ हेक्टरवरील पिकांच्या नुकसानीचे पंचनामे पूर्ण झाले आहेत. तर सात लाख ६३ हजार ५५३ खातेदारांच्या दोन लाख ९८ हजार ८२ हेक्टर क्षेत्रावरील पंचनामे बाकी आहेत..यामध्ये भोर तालुक्यातील १५१ गावांतील ३ हजार २५८ खातेदारांचे, वेल्हा तालुक्यातील १२४ गावांतील २ हजार २१५ खातेदारांचे, खेड तालुक्यातील १०८ गावांतील ११ हजार ५४५ खातेदारांचे, तर शिरूर तालुक्यातील ४८ गावांतील १ हजार ६०८ खातेदारांचे पंचनामे पूर्ण झाले आहेत..बारामती तालुक्यातील ११८ गावांतील ३ हजार ३८४ खातेदारांचे, इंदापूर तालुक्यातील ६९ गावांतील १२ हजार ९३६ खातेदारांचे, दौंड तालुक्यातील १०४ गावांतील ११ हजार ८२९ खातेदारांचे, तर पुरंदर तालुक्यातील १०३ गावांतील १८ हजार १०० खातेदारांचे पंचनामे पूर्ण झाले आहेत. पुरंदर तालुक्यात सर्वाधिक १८ हजार १०० खातेदारांचे, तर वेल्हा तालुक्यात सर्वांत कमी २ हजार २१५ खातेदारांचे पंचनामे पूर्ण झाले आहेत..Maharashtra Drought Relief: शेतकऱ्यांना दिवाळीपूर्वीच मदत मिळणार, कृषिमंत्री दत्तात्रय भरणेंची माहिती.जिल्ह्यातील दुष्काळी परिस्थिती लक्षात घेता, नुकसानग्रस्त शेतकऱ्यांच्या पिकांचे पंचनामे वेळेत पूर्ण होणे आवश्यक आहे. ज्या शेतकऱ्यांच्या पिकांचे पंचनामे अद्याप झालेले नाहीत, त्यांनी संबंधित महसूल, ग्रामविकास किंवा कृषी विभागाच्या अधिकाऱ्यांशी संपर्क साधावा, असे आवाहन जिल्हा अधीक्षक कृषी अधिकारी वैभव तांबे यांनी केले आहे..नुकसानीचे पंचनामे करून घ्यादुष्काळी परिस्थिती लागू झालेल्या आठ तालुक्यांतील ज्या शेतकऱ्यांच्या पिकांचे पंचनामे अद्याप झालेले नाहीत, त्यांनी संबंधित ग्राममहसूल अधिकारी, ग्रामविकास अधिकारी किंवा सहाय्यक कृषी अधिकारी यांच्याशी संपर्क साधावा. आपल्या पिकांच्या नुकसानीचे पंचनामे पूर्ण करून घ्यावेत. त्यामुळे नुकसानग्रस्त शेतकऱ्यांची नोंद होऊन कोणताही शेतकरी नुकसानभरपाईपासून वंचित राहणार नाही, यासाठी सहकार्य करावे, असे आवाहन कृषी विभागाने केले आहे..जिल्ह्यात आतापर्यंत पूर्ण झालेल्या पंचनाम्यांचे क्षेत्र व खातेदारांची संख्यातालुका गावे संख्या खातेदार संख्या पंचनामे क्षेत्रभोर १५१ ३२५८ १२८९वेल्हा १२४ ८०८ २२१५खेड १०८ ११५४५ ६२८०शिरूर ४८ १६०८ ७७५बारामती ११८ ३३८४ १९४८इंदापूर ६९ १२९३६ ६६८७दौंड १०४ ११८२९ ५४५९पुरंदर १०३ १८,१०० १०,७२९एकूण ८२५ ६४८७५ ३३,९७६.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
