Nashik News : अतिवृष्टीमुळे मालेगाव तालुक्यातील शेतकऱ्यांचे अतोनात नुकसान झाले आहे. शासनाने नुकसानभरपाई म्हणून हेक्टरी अनुदान वाटप करायला सुरुवात केली आहे. मात्र ‘तुटपुंजी नुकसानभरपाई नको, आम्हाला कर्जमाफी द्या,’ अशी मागणी करत नुकसानीसाठी मिळालेली तुटपुंजी भरपाई महसूल विभागाकडे परत करत शेतकऱ्यांनी संताप व्यक्त केला. शेतकऱ्यांच्या भूमिकेमुळे प्रशासनात एकच खळबळ उडाली आहे..अतिवृष्टीमुळे शेतकऱ्यांची पिके पाण्यात गेली आहेत. केलेला उत्पादन खर्च देखील वसूल झालेला नाही. शेतकऱ्यांचे अतोनात नुकसान झालेले असताना राज्य सरकारकडून मिळणारी भरपाई तुटपुंजी असल्याचे शेतकऱ्यांचे म्हणणे आहे. सध्या नुकसानभरपाई शेतकऱ्यांच्या खात्यावर दिली जात आहे..Farmer Protest: ऊसदरावरून आंदोलन सुरूच.कजवाडे व काटवन परिसरातील शेतकऱ्यांना हेक्टरी २८०० ते ३००० रुपये खात्यावर आले आहेत. त्यामुळे कजवाडे येथील शेतकरी सागर भामरे यांच्यासह शेतकऱ्यांनी नुकसानभरपाईची रक्कम तहसीलदारांना परत केली. तसेच कजवाडे येथील सरपंचांनी या बाबत निषेध केला आहे..Farmer Issue: आपत्तीग्रस्ताकडून तहसीलदारांच्या गाडीची तोडफोड .कजवाडे परिसरातील सागर भामरे, वासुदेव बोरसे, गणेश भामरे, प्रवीण कदम, सोनू शिरसाठ, धनंजय कापडणीस, योगेश बोरसे या शेतकऱ्यांना नुकसानीची १७०० ते ३००० रुपयांपर्यंत रक्कम त्यांच्या खात्यावर जमा करण्यात आली आहे. या संदर्भात शेतकऱ्यांनी बँकेचे पासबुक तपासले असता यात शेतकऱ्यांना ही रक्कम नुकसानभरपाईची असल्याचे दिसून आले. संतप्त झालेल्या शेतकऱ्यांनी मिळालेल्या रकमेबाबत निषेध करून बँक खात्यावर आलेली रक्कम तहसीलदार विशाल सोनवणे यांची भेट घेऊन धनादेशाद्वारे परत केली..शासनाने हेक्टरी १८ हजार रुपये जाहीर केली होती. मात्र काटवन परिसरातील शेतकऱ्यांना तीन हजारांपर्यंत रक्कम खात्यावर आली आहे. सध्या शासन ५० टक्के रक्कम देत आहे. मग शेतकऱ्यांना नऊ हजार रुपये प्रति हेक्टर मिळायला हवे होते. शासनाने दिलेल्या अडीच ते तीन हजार रुपयांमध्ये शेतकऱ्यांचा खर्चदेखील निघाला नाही. शासनाने ही रक्कम शेतकऱ्यांना द्यायला नको होती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
