Sindhudurg News: हत्तीचा उपद्रव दिवसेंदिवस वाढत असून वनविभागाने हत्ती पकड मोहीम राबविण्याचे दिलेले आश्वासन पाळलेले नाही.त्यामुळे संतप्त शेतकऱ्यांनी सरपंच संघटनेच्या माध्यमातून दोडामार्ग वनविभाग कार्यालयात ठिय्या आंदोलन केले. जोपर्यंत ठोस निर्णय होत नाही तोपर्यंत आंदोलन मागे घेतले जाणार नाही, असा इशारा आंदोलकांनी दिला..जिल्ह्यातील दोडामार्ग, सावंतवाडी तालुक्यात हत्तीचा उपद्रव वाढताना दिसत आहे. गेले काही दिवस ओंकार हा एक हत्ती होता, परंतु आता सहा हत्तींचा कळप पुन्हा दाखल झाला आहे. या हत्तींकडून शेतकऱ्यांची शेती, बागायतीचे नुकसान केले जात आहे. .Elephant Capture Mission : हत्ती पकड मोहिमेबाबत सदिंग्धता कायम.या भागातील शेतकरी हवालदिल आहेत. अनेकदा वनविभागाकडे हत्तीचा बंदोबस्त करावा अशी मागणी केली. परंतु वनविभागाकडुन दुर्लक्ष केले जात आहे. हत्ती पकड मोहिमेचे केवळ आश्वासन देण्यात आले, मात्र दोन वर्षे झाली तरी हत्तीपकड मोहीम राबविली जात नाही..Elephant Capture : तिलारी खोऱ्यात हत्तीचा धुमाकूळ, शेतकऱ्यांचे आक्रमक आंदोलन.त्यामुळे वनविभाग या भागातील शेती पूर्ण नष्ट होण्याची वाट पाहत आहेत का, असा संतप्त प्रश्न उपस्थित करीत सरपंच संघटनेचे अध्यक्ष प्रवीण गवस यांच्या नेतृत्वाखाली शेतकऱ्यांनी वनविभागाच्या कार्यालयात ठिय्या आंदोलनाला सुरवात केली. आंदोलन सुरू केल्यानतंर सावंतवाडी वनविभागाचे सहाय्यक वनसंरक्षक वैभव बोराटे आंदोलकांशी चर्चा करण्यासाठी आले परंतु शेतकऱ्यांनी केवळ तोंडी आश्वासन नको तर हत्ती पकड मोहीम कधी राबविणार ते लेखी उत्तर द्या अशी मागणी केली. .जोपर्यंत ठोस निर्णय होत नाही तोपर्यंत आंदोलन सुरूच ठेवणार अशी भूमिका शेतकऱ्यांनी घेतली आहे. त्यामुळे वनविभागापुढे पेच निर्माण झाला आहे. या आंदोलनात तुकाराम बर्डे, साक्षी देसाई, राजाराम देसाई, दत्ताराम देसाई, संजय देसाई, एकनाथ नाडकर्णी, अजित देसाई, मदन राणे आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
