Kolhapur News : जलजीवन मिशन, महाराष्ट्र जीवन प्राधिकरणांतर्गत असणाऱ्या पाणीपुरवठा योजनेच्या कामांना गती देऊन, डिसेंबर महिन्याच्या पूर्वी जास्तीत जास्त योजना कार्यान्वित करण्यासाठी सूक्ष्म नियोजन करावे, अशा सूचना जिल्हाधिकारी अमोल येडगे यांनी दिल्या..जिल्हा पाणी व स्वच्छता मिशन समितीची सभा श्री. येडगे यांच्या अध्यक्षतेखाली झाली. या वेळी जिल्हा परिषदेचे मुख्य कार्यकारी अधिकारी कार्तिकेयन एस., उप मुख्य कार्यकारी अधिकारी पाणी व स्वच्छता माधुरी परीट, कार्यकारी अभियंता ग्रामीण पाणीपुरवठा तथा समितीचे सदस्य सचिव अर्जुन गोळे, कार्यकारी अभियंता महाराष्ट्र जीवन प्राधिकरण, वरिष्ठ भूवैज्ञानिक भूजल सर्व्हेक्षण उपस्थित होते..Jal Jeevan Mission : केंद्राने थांबवला ‘जलजीवन’चा निधी .श्री. येडगे म्हणाले, की ७५ टक्क्क्यांपेक्षा जास्त भौतिक कामे पूर्ण झालेल्या योजना तातडीने पूर्ण कराव्यात. उपअभियंता स्तरावर सूक्ष्म नियोजन करावे. तसेच उर्वरित कामांचे पूर्णत्वाचे वेळापत्रक तयार करा. ग्रामपंचायतीकडे हस्तांतर करण्यासाठी २०८ योजना प्रलंबित आहेत. त्याबाबत त्रुटी दूर करून ग्रामपंचायतींना विश्वासात घ्या. .सर्व योजना समन्वयाने हस्तांतरित कराव्यात. सर्व पाणी पुरवठ्याची कामे वेळेत व गुणवत्तापूर्ण मार्गी लावण्यासाठी योग्य नियोजन करून कामांचा प्रगती अहवाल वेळेत सादर करा. महावितरण विभागाने येत्या ७ दिवसात प्रलंबित कोटेशन वितरित करावीत. बैठकीत मुख्य कार्यकारी अधिकारी कार्तिकेयन एस. यांनी योजनांबाबत माहिती दिली..Jal Jeevan Mission: पाणीपुरवठा कामांच्या गतीकरिता समन्वयक अधिकारी नेमा : जिल्हाधिकारी डूडी .‘हर घर जल’ योजनेअंतर्गत शाहूवाडी तसेच गगनबावडा तालुक्यातील यंत्रणेचे मार्गदर्शन व मदत घेऊन उर्वरित तालुक्यांनी मिळून १०० टक्के काम पूर्ण करण्याच्या सूचना जिल्हाधिकारी यांनी केल्या. बैठकीत महाराष्ट्र जीवन प्राधिकरण अंतर्गत १५ योजनांच्या संदर्भात सविस्तर आढावा घेण्यात आला..राज्यस्तरावर मंजुरी प्रक्रियेत असलेल्या योजनेच्या त्रुटी दूर करण्यासाठी समन्वय ठेवा. तसेच सुधारित आराखडे करिता आवश्यक असलेली माहिती संकलित करून सर्व योजनांना वेळेत सुधारित मान्यता घ्यावी अशा सूचना त्यांनी दिल्या. यावेळी स्वच्छता विभागाकडील विविध योजनांचाही आढावा घेण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
