Gadchiroli News: जीवनगट्टा येथे पंतप्रधान खनिकर्म कल्याण योजनेअंतर्गत उभारण्यात आलेल्या अळिंबी (मशरूम) उत्पादन युनिटची माननीय जिल्हाधिकारी अविशांत पंडा यांनी पाहणी केली. या वेळी त्यांनी महिला बचत गटांच्या उपक्रमाचे कौतुक करत शासनाकडून आवश्यक ते सर्व सहकार्य करण्यात येईल, असे आश्वासन दिले..जीवनगट्टा येथील जय पेरसापेन महिला बचत गटासह एकूण सहा महिला बचत गटांना या योजनेचा लाभ देण्यात आला असून, सर्व युनिटची उभारणी पूर्ण होत प्रत्यक्ष उत्पादनास सुरुवात झाली आहे. जिल्हाधिकाऱ्यांनी युनिटची प्रत्यक्ष पाहणी करून महिलांशी संवाद साधला व त्यांच्या कार्याचे अभिनंदन केले..Mushroom Production: अळंबी उत्पादनातून महिला झाल्या सक्षम.या उपक्रमामुळे ग्रामीण भागातील महिलांना स्थानिक पातळीवर रोजगार उपलब्ध होणार असून त्यांच्या आर्थिक उत्पन्नात वाढ होईल. तसेच पौष्टिक मूल्यांनी समृद्ध असलेले मशरूम सहज उपलब्ध होऊन नागरिकांच्या आरोग्य सुधारण्यात मदत होईल, असे मनोगत जिल्हाधिकारी अविशांत पंडा यांनी व्यक्त केले..या प्रसंगी उपविभागीय अधिकारी तथा सहायक जिल्हाधिकारी एटापल्ली अमर राऊत, जिल्हा अधीक्षक कृषी अधिकारी प्रीती हिरळकर, जिल्हा खनिकर्म अधिकारी डॉ. इब्रान शेख, तहसीलदार हेमंत गांगुर्डे, गट विकास अधिकारी डॉ. आदिनाथ आंधळे, विविध शासकीय अधिकारी-कर्मचारी, महिला बचत गटांच्या सदस्य, शेतकरी उत्पादन कंपनीचे सभासद तसेच ग्रामस्थ मोठ्या संख्येने उपस्थित होते..Mushroom Production : अळिंबी उत्पादनातून प्रगतीकडे प्रवास!.कार्यक्रमादरम्यान जिल्हा अधीक्षक कृषी अधिकारी प्रीती हिरळकर यांनी अळिंबी उत्पादनाबाबत सविस्तर तांत्रिक मार्गदर्शन केले. मशरूमपासून विविध पौष्टिक पदार्थ तयार करून समाजाला पोषण मूल्ययुक्त अन्न पुरवता येईल, तसेच कृषी विभागाच्या विविध योजनांद्वारे दुर्गम व ग्रामीण भागातील महिलांना सक्षम करण्याचा शासनाचा प्रयत्न असल्याचे त्यांनी सांगितले..महिला बचत गटाच्या अध्यक्षा वंदना गावडे यांनी ग्रामीण भागातील महिलांना गावातच रोजगार उपलब्ध होऊन कुटुंबाची आर्थिक परिस्थिती सुधारावी, यासाठी शासनाच्या विविध योजनांचा लाभ घेण्याचे आवाहन केले. त्यांनी गटामार्फत मोहाचे लाडू, ज्वारीचे लाडू तसेच विविध पौष्टिक खाद्यपदार्थ तयार करून संपूर्ण देशभर विक्री करत असल्याची माहिती दिली. कार्यक्रमाचे सूत्रसंचालन तालुका कृषी अधिकारी अरुण वसवाडे यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
