Jalgaon News : खानदेशात पीक कर्ज वितरण खरिपासाठी सप्टेंबरअखेरपर्यंत आहे. परंतु राष्ट्रीयीकृत बँका हे कर्ज देण्यासंबंधी आपला लक्ष्यांक पूर्ण करू शकल्या नाहीत. जळगाव व धुळे जिल्हा बँकेने मात्र खरिपातील पीक कर्ज वितरण पूर्ण केले. .राष्ट्रीयीकृत बँकांनी पीक कर्जासाठी हात आखडता घेतला. धुळे-नंदुरबार जिल्हा बँक, जळगाव जिल्हा बँकेने खरिपासाठी पीक कर्ज वितरण लक्ष्यांक निश्चितीनंतर प्रस्ताव वेगात स्वीकारले व कर्ज वितरण सुरू केले. जळगाव जिल्हा बँकेला यंदा सुमारे एक हजार कोटींवर पीक कर्ज वितरण सप्टेंबर २०२५ पर्यंत करायचे होते. .Crop Loan Fraud : ‘बनावट सात-बाराचा वापर करून पीककर्जाची उचल’.धुळे-नंदुरबार जिल्हा बँकेने सुमारे २४५ कोटी रुपये पीक कर्ज वितरण केले. या दोन्ही बँकांनी लक्ष्यांकातील १०० टक्के पीक कर्ज वितरण जवळपास पूर्ण केले आहे. मे महिन्यातच बऱ्यापैकी पीक कर्जाचे वितरण या बँकांनी केले. खानदेशात राष्ट्रीयीकृत बँकांनी पीक कर्ज वितरण संथ गतीने केले आहे. मागील वेळेस रब्बीतही ६५ टक्केच पीक कर्ज वितरण झाले होते. .गेल्या खरिपातही गती संथ राहिले. पीक कर्ज वितरण प्रशासनाने निश्चित केलेल्या लक्ष्यांकाएवढे वितरित झालेले नाही, अशी स्थिती आहे. जळगाव जिल्ह्यात एकूण तीन हजार कोटी रुपये पीक कर्ज वितरण अपेक्षित होते. .तर धुळे - नंदुरबारात मिळून सुमारे १४०० कोटी रुपये पीक कर्ज वितरण अपेक्षित होते. नंदुरबारात स्टेट बँक अग्रणी बँक आहे. जळगावात सेंट्रल बँक अग्रणी बँक आहे. परंतु या दोन्ही जिल्ह्यांत राष्ट्रीयीकृत बँकांकडून सातत्याने राष्ट्रीयीकृत बँकांना व अन्य बँकांना पीक कर्ज वितरणाबाबत आवाहन करण्यात आले. परंतु कार्यवाही गतीने झाली नाही..Crop Loan: कर्जदार ९४ हजार शेतकऱ्यांना परतफेडीची चिंता.रब्बीसाठी कमी लक्ष्यांकखानदेशात जिल्हा बँका, राष्ट्रीयीकृत व खासगी बँकांना रब्बीत पीक कर्ज देण्यासंबंधी या महिन्यात कार्यवाही सुरू करावी लागणार आहे. यात धुळे - नंदुरबार जिल्हा बँकेस रब्बीत पीक कर्ज वितरण लक्ष्यांक नाही. जळगाव जिल्हा बँकेस रब्बीत पीक कर्ज वितरण करायचे आहे. रब्बीत खानदेशात सुमारे १२०० कोटी रुपये पीक कर्ज वितरण करायचे आहे. यात जळगाव जिल्ह्यात सर्वाधिक सुमारे ५०० कोटी रुपये पीक कर्ज राष्ट्रीयीकृत बँकांना वितरित करायचे आहे..अनेक प्रस्ताव पडूनतसेच अनेक शेतकऱ्यांचे नवे पीक कर्ज प्रस्ताव बँकांत पडून आहेत. त्यावर प्रशासन कार्यवाही करीत नसल्याने अडचणी आहेत. नव्याने पीक कर्जासाठी शेतकरी मागील महिनाभरापासून बँकांमध्ये चकरा मारीत आहेत. पण पीक कर्ज वेळेत केले जात नसल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.