DCC Bank : अहिल्यानगर जिल्हा मध्यवर्ती सहकारी बँकेची निवडणूक बिनविरोध करण्यासाठी जिल्ह्यातील विविध पक्षांचे प्रमुख नेते एकत्र आले आहेत. रविवारी (ता. २७) संगमनेर येथे माजी मंत्री तथा काँग्रेसचे ज्येष्ठ नेते बाळासाहेब थोरात यांच्या ‘अमृतकुटी’ निवासस्थानी जिल्ह्यातील प्रमुख नेत्यांची बैठक झाली. माजी खासदार डॉ. सुजय विखे पाटील यांच्यासह विविध पक्षांचे नेते या बैठकीला उपस्थित होते. बँकेची निवडणूक बिनविरोध होईल की नाही, हे अद्याप स्पष्ट झालेले नसले तरी सर्वसंमतीने निवडणूक करण्यासाठी प्रयत्न करण्यावर बैठकीत चर्चा झाली..अहिल्यानगर जिल्हा मध्यवर्ती सहकारी बँकेच्या पंचवार्षिक निवडणुकीचा कार्यक्रम जाहीर झाला असून, २८ सप्टेंबरपासून उमेदवारी अर्ज दाखल करण्याची प्रक्रिया सुरू झाली आहे. ५ ऑक्टोबरपर्यंत अर्ज दाखल करता येणार असून, २ नोव्हेंबरला मतदान आणि ३ नोव्हेंबरला मतमोजणी होणार आहे..Ahilyanagar District Bank : अहिल्यानगर जिल्हा बँकेसाठी ३,८३६ मतदार.बँकेची निवडणूक बिनविरोध करण्यासाठी यापूर्वीही सर्वपक्षीय पातळीवर आवाहन करण्यात आले होते. सध्याची दुष्काळी परिस्थिती, शेतकरी आणि ग्रामीण अर्थव्यवस्थेसमोरील आव्हाने तसेच सहकार क्षेत्राचे महत्त्व लक्षात घेऊन निवडणुकीतील अनावश्यक राजकीय स्पर्धा टाळावी, अशी भूमिका बैठकीत मांडण्यात आली..बैठकीस माजी मंत्री शंकरराव गडाख, माजी आमदार डॉ. सुधीर तांबे, आमदार आशुतोष काळे, आमदार संग्राम जगताप, आमदार हेमंत ओगले, आमदार विवेक कोल्हे, आमदार विक्रम पाचपुते, आमदार प्राजक्त तनपुरे, आमदार काशिनाथ दाते, आमदार अक्षय कर्डिले, श्रीरामपूरचे नगराध्यक्ष करण ससाणे, श्रीगोंदा सहकारी साखर कारखान्याचे अध्यक्ष राजेंद्र नागवडे, ज्येष्ठ नेते भगवान पाचपुते, प्रतापसिंह पाचपुते आदी उपस्थित होते. आमदार मोनिका राजळे आणि बँकेचे माजी अध्यक्ष चंद्रशेखर घुले यांनी ऑनलाइन सहभाग घेतला..Sangli DCC: सांगली जिल्हा बँक निवडणुकीचे बिगुल वाजले.जिल्हा बँक ही ग्रामीण अर्थव्यवस्थेतील महत्त्वाची संस्था असल्याने तिच्या कारभारावर निवडणुकीच्या राजकारणाचा परिणाम होऊ नये, तसेच बँकेचे कामकाज अधिक सक्षम, पारदर्शक आणि प्रभावीपणे सुरू राहावे, यासाठी निवडणूक सर्वसंमतीने बिनविरोध करण्यासाठी सकारात्मक प्रयत्न करण्यावर बैठकीत एकमत झाल्याचे वृत्त आहे..शिंदे, लंके यांची भूमिका काय?अहिल्यानगर जिल्हा सहकारी बँकेच्या राजकारणात जिल्ह्यातील विविध राजकीय कुटुंबांचा दीर्घकाळ प्रभाव राहिला आहे. यंदाच्या निवडणुकीतही प्रमुख नेत्यांच्या भूमिकेकडे लक्ष लागले आहे. रविवारी झालेल्या बैठकीला सभापती प्रा. राम शिंदे आणि खासदार नीलेश लंके उपस्थित नव्हते. त्यामुळे सर्वपक्षीय बैठकीनंतर बँकेच्या निवडणुकीबाबत त्यांची भूमिका काय राहणार, याकडेही लक्ष लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
