Chhatrapati Sambhajinagar News: मराठवाडा पाणी परिषदेतर्फे अतिवृष्टीत वाहून गेलेल्या नापिक जमिनी पेरत्या करण्यासाठी आवाहन केले होते. या आव्हानास प्रतिसाद म्हणून ग्रामविकास संस्थेतर्फे वैजापूर तालुक्यातील कापूसवडगाव, शिंगी, सावखेड गंगा, विरगाव व परिसरातील गरजू शेतकरी महिलांना गहू व हरभरा बियाणे वाटप करण्यात आले..यावेळी ग्रामविकास संस्थेचे सचिव नरहरी शिवपुरे म्हणाले, की ग्रामविकास संस्था जमिनी पेरत्या करण्यासाठी बियाण्याच्या माध्यमातून मदत करत आहे. अतिवृष्टीत मोठ्या प्रमाणात जमिनी वाहून गेल्यामुळे या जमिनी पेरत्या करण्यासाठी शासनाने पुढाकार घेण्याचीआवश्यकता आहे. .Seed Distribution: प्रमाणित बियाणे वितरण बाबींमध्ये तीन जिल्ह्यांकरीता लक्षांक .ग्रामविकास संस्था अडचणीत सापडलेल्या सर्व शेतकऱ्यांच्या पाठीशी आहे. याप्रसंगी आधार शेतकरी जलदूत संस्थेचे अध्यक्ष पंडितअण्णा शिंदे ग्रामविकास संस्थेचे बालाजी बिरादार, अर्चना पवार, बापू शिरसाट, मनीषा बारे यांची प्रमुख उपस्थिती होती..Seed Distribution : महाबीजच्या वितरकांकडून मिळणार अनुदानावरील रब्बी बियाणे.याप्रसंगी श्री. शिंदे म्हणाले, की ग्रामविकास संस्थेने अडचणीत सापडलेल्या महिला शेतकऱ्यांना मदतीचा हात दिलेला आहे. या महिला आयुष्यभर ही मदत विसरणार नाहीत. याप्रसंगी मनोगत व्यक्त करताना महिला शेतकरी म्हणाल्या, की खरिपात शेत सारं पाण्याने वाहून गेलं. रब्बी पेरणी होईल की नाही याची खात्री नव्हती. परंतु आता संस्थेने बियाणे दिल्यामुळे पेरणी होईल व पुढची खाण्याची सोय होईल. कार्यक्रम यशस्वी करण्याकरिता संघरत्न जाधव, सचिन गायकवाड, कृष्णा म्हस्के यांनी अथक परिश्रम घेतले. .उसनवारीने पैसे घेऊन खरिपात मका पेरला होता. अतिवृष्टीमुळे मक्याचे सारेच पीक वाहून गेले. आर्थिक अडचणीमुळे रब्बी पेरणीची आशा सोडली होती. परंतु ग्रामविकास संस्थेने हरभरा बियाणे दिल्यामुळे पुढची सोय झाली.मुक्ताबाई अशोक गायकवाड, शिंगी ता. वैजापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
