Pune News: जुन्नर तालुक्यात आंबा पिकाखाली ६५० हेक्टर क्षेत्र आहे. अनेक शेतकऱ्यांनी कलमी आंब्यांची लागवड केली आहे. आंब्यांना नुकताच मोहर येण्यास सुरुवात झाली आहे. कीड, रोग नियंत्रणाची काळजी न घेतल्यास मोठे नुकसान होण्याची शक्यता आहे. आंब्यांची उत्पादकता व गुणवत्ता राखण्यासाठी वेळीच कीड नियंत्रण करण्याला नारायणगाव परिसरात वेग आला आहे..प्रामुख्याने तालुक्याच्या पश्चिम भागातील येणेरे, आपटाळे, कुसूर, वडज, गोळेगाव, निमगिरी या भागात केशर आंब्याच्या बागा आहेत. तालुक्याच्या मध्य व पूर्व भागातील शेतकऱ्यांनी मोठ्या प्रमाणात कलमी आंब्याची लागवड केलेली आहे..Mango Flowering: आंबा पिकाने धरला बहर.ऐतिहासिक पार्श्वभूमी असलेल्या तालुक्यात जुन्नर गोल्ड आंब्याला जीआय मानांकन मिळाले आहे. साधारणपणे जून महिन्यात उशिरा सुरू होणाऱ्या तालुक्यातील आंब्याने मुंबई बाजारपेठ काबीज केली आहे..Mango Crop Disease: आंबा पिकात वाढतेय गुच्छ विकृती .जैविक पद्धतीने फळमाशीचे करा नियंत्रणआंबा फळे लिंबाच्या आकाराची झाल्यानंतर फळावर फळमाशी दंश करते. मागील काही वर्षांत फळमाशीचे प्रमाण वाढले आहे. यामुळे आंबा फळाचे मोठ्या प्रमाणात नुकसान होते. हे टाळण्यासाठी आंबा बागेत पिवळ्या रंगाचे बल्बच्या आकाराचे फळमाशी सापळे लावावेत, असे आवाहन कृषी विज्ञान केंद्राच्या शास्त्रज्ञांनी आंबा उत्पादकांना केले आहे..मधमाश्यांची काळजी घ्यामधमाश्यांमुळे परागीभवन होत असल्याने मधमाश्यांना अपाय होऊ नये. त्या दृष्टीने फवारणीचे नियोजन करणे आवश्यक असते. पिकावरील कीड व रोग नियंत्रण मोहोर पूर्व, फुलोरा व फळधारणा या तीन टप्प्यांत करावे लागते. मोहर निघण्याच्या अवस्थेत किंवा त्यापूर्वी कीटक व बुरशीनाशकांची फवारणी करावी. मात्र त्यानंतर मधमाश्यांना अपाय होऊ नये म्हणून फुलोरा अवस्थेत जैविक पद्धतीने मोहर संरक्षण करावे, असा सल्ला कृषी विज्ञान केंद्राचे शास्त्रज्ञ डॉ. दत्तात्रेय गावडे यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
