Nanded News: मुदखेड तालुक्यात अतिवृष्टीचे अनुदान मिळाले नसल्याने संतप्त शेतकऱ्याने ‘जय जवान जय किसान’चा नारा देत फावड्याने तहसीलदारांची गाडीच्या काचा फोडल्याची घटना सोमवारी (ता. २७) तहसील कार्यालयासमोर घडली. .मुदखेड तालुक्यात सरासरीपेक्षा जास्त पाऊस, अतिवृष्टीमुळे आलेल्या महापुरात शेतकऱ्यांची खरीप व बागायती पिके खरडून गेली होती. अतिपावसामुळे हातचे आलेले पीक गेल्याने शेतकरी हवालदिल झाला होता. शासनाने दिवाळीपूर्वी अतिवृष्टी अनुदान देण्याचे जाहीर केले होते. परंतु शेतकऱ्यांना अद्याप अनुदान मिळाले नाही..Farmer Issue: जमीन खरडून गेलेल्यांना सरसकट दिलासा नाहीच.यामुळे शेतकऱ्यांच्या दिवाळीवर दुःखाचे सावट होते. शासन अनुदानासाठी तहसील कार्यालयात अनेकदा खेटे मारूनही अनुदान मिळाले नसल्याने तसेच प्रशासनाकडून उडवाउडवीची उत्तरे दिली जात असल्याचे संतप्त शेतकऱ्याचे म्हणणे आहे. वासरी (ता. मुदखेड) येथील साईनाथ मारुती खानसोळे हे सोमवारी तहसील कार्यालयात अनुदान मिळण्यासंदर्भात जाब विचारण्यासाठी केले होते..या वेळी पुन्हा तीच उत्तरे ऐकून संतप्त झालेल्या खानसोळे यांनी ‘जय जवान जय किसान’चा नारा देत फावड्याने तहसील कार्यालयासमोर उभी असलेल्या गाडीची तोडफोड केली. शेतकऱ्यांचे पैसे अजूनही मिळाले नसून शेतकरी आत्महत्या करतोय आणि अधिकारी दुसरीकडे मलिदा खात आहेत, अशी संतप्त भावना त्यांनी व्यक्त केली. त्यानंतर तहसील प्रशासनाच्या वतीने या घटनेची माहिती पोलिसांना देण्यात आली. पोलिसांनी श्री. खानसोळे यांना ताब्यात घेतले..Farmer Crisis: मोर्शी, वरुड तालुक्यांतील शेतकऱ्यांची दिवाळी अंधारात .या वेळी त्यांनी सरकारच्या विरोधात आक्रमक भूमिका घेत शेतकऱ्यांच्या लढ्यासाठी फासावर जाण्याची तयारी असून शेतकऱ्याची थट्टा केल्यास यापेक्षाही गंभीर परिणाम प्रशासनात भोगावे लागतील, असा इशारा दिला..वासरी येथील शेतकऱ्याचा अनुदान मिळाले नसल्याचा रोष होता. परंतु शासकीय अनुदानाची दप्तरी तपासणी केली असता संबंधित शेतकऱ्यास अनुदान मिळाल्याची नोंद आहे. परंतु मी कार्यालयाच्या दालनात उपस्थित असूनही प्रत्यक्ष भेट न घेता कार्यालयाबाहेरील शासकीय वाहनाचे नुकसान केले. याबाबत योग्य ती कारवाईची तक्रार दिली आहे.आनंद देऊळगावकर, तहसीलदार, मुदखेड.मुदखेड तालुक्यातील अतिवृष्टीने शेतकऱ्यांचे अतोनात नुकसान झाले आहेत. हातची पिके गेल्याने दिवाळीवर दुःखाचे सावट होते. दिवाळीपूर्वी शासन अनुदान देण्याची वल्गना करण्यात आली होती. परंतु तुटपुंजी मदत मोजक्याच शेतकऱ्यांच्या बँक खाती जमा करून दिशाभूल करण्यात आली. यामुळे शासनाच्या निषेधार्थ तहसीलदार यांच्या गाडीची तोडफोड केली. यापुढे अनुदान मिळाले नाहीतर आमदार, खासदार, मंत्री यांच्या गाड्या फोडू.साईनाथ खानसोळे, वासरी, आपत्तीग्रस्त, शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
