Water Supply Update: शेतकऱ्यांनी केलेल्या मागणीनुसार कुकडी पाटबंधारे विभागाने शुक्रवारी (ता.१३) सायंकाळपासून डिंभे आणि पिंपळगाव जोगे धरणांतून रब्बीचे आवर्तन सुरू करण्यात आले आहे. मागील पाच महिन्यांच्या खंडानंतर प्रथमच या कालव्यात पाणी सोडण्यात आले आहे. या आवर्तनाचा लाभ जुन्नर, आंबेगाव, शिरूर, पारनेर तालुक्यांतील सुमारे पस्तीस हजार हेक्टर क्षेत्रातील रब्बी पिकांना होणार आहे..आवर्तन सुरू झाल्याने शेतकऱ्यांना दिलासा मिळाला असून रब्बी पिकांची पेरणी व कांदा लागवडीच्या कामांना आता वेग येणार आहे. पाण्याचा वापर काटकसरीने करावा. असे आवाहन कुकडी पाटबंधारे विभाग क्र. १चे कार्यकारी अभियंता गणेश नान्नोर यांनी केले आहे..Smart Irrigation Methods: काटेकोर पाणी वापराची विविध तंत्रे.कुकडी प्रकल्पांतर्गत येडगाव धरणातून डिंभे डावा कालव्यात पाच नोव्हेंबरपासून रब्बीचे आवर्तन सुरू करण्यात आले होते. १४०० क्युसेकने सुरू असलेले हे आवर्तन दहा डिसेंबरपर्यंत सुरू राहणार आहे. २४९ किलोमीटर लांबीच्या या कालव्यातील आवर्तनाचा लाभ जुन्नर, कर्जत,करमाळा,पारनेर, श्रीगोंदा तालुक्यातील सुमारे ९७ हजार हेक्टर क्षेत्रातील रब्बी पिकांना होणार आहे..५५ किलोमीटर लांबीच्या डिंभे डावा कालव्यात शुक्रवारपासून ५५० क्युसेक्सने वीज घर मार्गे आवर्तन सुरू करण्यात आले आहे. हे पाणी सध्या येडगाव धरणात सोडण्यात आले आहे. १५ नोव्हेंबर ते १८ नोव्हेंबर दरम्यान या कालव्याला जोडलेल्या ४० किलोमीटर लांबीच्या मीना शाखा व १३ किलोमीटर लांबीच्या घोड शाखा कालव्यात आवर्तन सुरू करण्यात येणार आहे. या पाण्याचा लाभ जुन्नर, आंबेगाव व शिरूर तालुक्यातील २० हजार ७२८ हेक्टर क्षेत्रातील रब्बी पिकांना होणार आहे..First Water Rotation: जायकवाडीच्या डाव्या-उजव्या कालव्यांतून आजपासून पहिले आवर्तन.७१ किलोमीटर लांबीच्या पिंपळगाव जोगे कालव्यात शुक्रवारपासून पिंपळगाव जोगे धरणातून २५० क्युसेकने आवर्तन सुरू करण्यात आले आहे. सुमारे ३५ दिवसांच्या या आवर्तनाचा लाभ जुन्नर व पारनेर तालुक्यांतील १२ हजार ३१५ हेक्टर क्षेत्रातील रब्बी पिकांना होणार आहे..डिंभे धरणातून डिंभे उजवा कालव्यात १२ नोव्हेंबरपासून आवर्तन सुरू करण्यात आले आहे. १३२ किलोमीटर लांबीच्या या कालव्यातील आवर्तनाचा लाभ आंबेगाव व शिरूर तालुक्यातील १५ हजार ५६८ हेक्टर क्षेत्रातील रब्बी पिकांना होणार आहे..‘पाण्याच्या उपलब्धतेनुसार नियोजन करावे’या वर्षी कुकडी पाणलोट क्षेत्रात मुसळधार पाऊस झाल्याने धरणात सुमारे ९६ टक्के उपयुक्त पाणीसाठा झाला. या मुळे दुष्काळी परिस्थितीत रब्बीच्या पिकांना आवर्तन सोडणे शक्य झाले आहे. शेतकऱ्यांनी पाण्याचे काटेकोर नियोजन करावे. नुकसान टाळण्यासाठी बागायती पिकांच्या लागवडीचे नियोजन करताना पाण्याची उपलब्धता याचा विचार करावा. अल्पमुदतीचे धान्य, भाजीपाला पिके व चारा पिकांना प्राधान्य द्यावे. असे आवाहन कुकडी पाटबंधारे विभाग क्र. १चे कार्यकारी अभियंता नान्नोर यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
