Farmers Issues: खरीप हंगामाच्या तोंडावर अहिल्यानगर जिल्ह्यातील ग्रामीण भागात निर्माण झालेल्या डिझेल टंचाईमुळे शेतकरी मोठ्या अडचणीत सापडले आहेत. नांगरट, मशागत आणि वखरणीच्या कामांसाठी आवश्यक असलेले डिझेल उपलब्ध होत नसल्याने ट्रॅक्टर, रोटाव्हेटर आणि अन्य कृषी यंत्रसामग्रीची कामे ठप्प झाली आहेत. परिणामी वेळेवर शेतीची तयारी पूर्ण न झाल्यास मोठ्या क्षेत्रावर पेरणी उशिरा होण्याची किंवा जमीन पडित राहण्याची भीती व्यक्त होत आहे..मे महिन्याच्या अखेरीस खरीप हंगामासाठी शेतकरी जमिनीची मशागत आणि नांगरणीची कामे वेगाने पूर्ण करण्याच्या तयारीत असतात. या काळात डिझेलची मागणी मोठ्या प्रमाणावर वाढते. मात्र शेवगाव, पाथर्डी, जामखेडसह जिल्ह्यातील अनेक ग्रामीण भागांतील पेट्रोलपंपांवर डिझेलचा पुरवठा अपुरा होत असल्याने शेतकऱ्यांना तासनतास रांगेत उभे राहावे लागत आहे..Diesel Shortage: डिझेलटंचाईने उमरखेड तालुक्यात शेती मशागतीवर परिणाम.अनेक ठिकाणी डिझेल संपल्याची माहिती मिळताच शेतकऱ्यांना रिकाम्या हाताने परतावे लागत असून, त्यामुळे मशागतीची कामे रखडली आहेत. आधीच पाण्याची कमतरता आणि दुष्काळजन्य परिस्थितीचा सामना करणाऱ्या शेतकऱ्यांच्या अडचणीत डिझेल टंचाईमुळे आणखी भर पडली आहे..Diesel Shortage Issue: शेतकऱ्यांना डिझेल पुरवठा करा : मंत्री चंद्रकांत पाटील .हवामान विभागाने पुढील आठ ते पंधरा दिवसांत मोसमी पावसाला सुरुवात होण्याचा अंदाज व्यक्त केला आहे. त्यापूर्वी मशागतीची कामे पूर्ण करणे आवश्यक असताना डिझेलसाठी पंपांवर थांबण्याची वेळ आल्याने शेतकरी वर्गात तीव्र नाराजी व्यक्त होत आहे..दरम्यान, या प्रश्नाची दखल घेत स्वाभिमानी शेतकरी संघटनेच्या पदाधिकाऱ्यांनी जिल्हाधिकाऱ्यांकडे तातडीने हस्तक्षेप करण्याची मागणी केली आहे. कृत्रिम इंधनटंचाई निर्माण करणाऱ्यांवर कठोर कारवाई करावी, अशी मागणीही संघटनेने केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
