Unseasonal Rainfall: खानदेशात गेल्या दोन दिवसांपासून सुरू असलेल्या वादळी पावसामुळे धुळे आणि जळगाव जिल्ह्यांतील अनेक भागांना फटका बसला आहे. रविवारी (ता. २४) आणि सोमवारी (ता. २५) दुपारनंतर विविध भागांत झालेल्या वादळी पावसामुळे पिकांसह घरे, गोठे आणि वीज यंत्रणेचे नुकसान झाले आहे..धुळे जिल्ह्यातील शिरपूर आणि शिंदखेडा परिसरात पावसाने हजेरी लावली, तर जळगाव जिल्ह्यातील यावल आणि चोपडा तालुक्यांत वादळी पावसाचा जोर अधिक होता. विशेषतः केळी पिकाचे मोठे नुकसान झाले असून, सुमारे १,१०० हेक्टर क्षेत्रावरील केळी पिकाला फटका बसल्याचा अंदाज आहे..Rain Crop Damage: पावसामुळे पूर्व विदर्भातील ६३०३ शेतकऱ्यांना फटका.वादळी वाऱ्यामुळे अनेक गावांतील घरांवरील पत्रे उडून गेली, तर पशुधनाच्या गोठ्यांचेही नुकसान झाले. जळगाव आणि चोपडा परिसरात भाजीपाला पिकांचे नुकसान झाले असून, पावसामुळे रोगराई आणि मर रोगाचा प्रादुर्भाव वाढण्याची शक्यता व्यक्त केली जात आहे. परिणामी शेतकऱ्यांना अतिरिक्त फवारणी खर्चाचा सामना करावा लागणार आहे..Rain Crop Damage: पावसाने उभ्या पिकांचे नुकसान.वादळामुळे चोपडा तालुक्यात अनेक ठिकाणी विजेचे खांब वाकले आणि कोसळले. त्यामुळे मोठ्या प्रमाणावर वीजपुरवठा खंडित झाला आहे. चोपडा शहरात एक दिवस वीजपुरवठा बंद राहिल्याने नागरिकांनी महावितरण कार्यालयात जाऊन नाराजी व्यक्त केली. त्यानंतर वीजपुरवठा सुरळीत करण्यासाठी युद्धपातळीवर काम सुरू करण्यात आले..अनेक रस्त्यांवर वृक्ष उन्मळून पडल्याने रात्रीच्या वाहतुकीवरही परिणाम झाला. चोपडा आणि यावल भागात केळी, बाजरी, भुईमूग या पिकांचे नुकसान झाले असून, शेतात साठवून ठेवलेला चारा आणि भुईमूगही भिजून खराब झाला आहे. सुमारे अर्धा तास परिसरात वादळी पावसाचा जोर होता. सध्या सकाळपासून वाढती उष्णता आणि दुपारनंतर उकाडा अशी स्थिती राहत असली, तरी पावसामुळे काही प्रमाणात उकाड्यापासून दिलासा मिळाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
