Citrus Estate Irrigation Problem and Reality: शेतकऱ्यांना आधुनिक तंत्रज्ञान, सिंचन आणि व्यवस्थापनाचे धडे देण्यासाठी उभारण्यात आलेल्या ढिवरवाडी सिट्रस इस्टेटमध्येच तंत्रज्ञानाचा दुष्काळ पाहायला मिळत आहे. कोट्यवधी रुपयांचा निधी खर्चून उभारलेल्या या प्रकल्पात मातृवृक्षांसाठी सिंचनाची कोणतीही कायमस्वरूपी व्यवस्था नसल्याचे धक्कादायक वास्तव समोर आले आहे. परिणामी ४२ ते ४५ अंश सेल्सिअस तापमानात झाडे करपत असून, फवारणीसाठी वापरल्या जाणाऱ्या ब्लोअरच्या सहाय्याने झाडांना पाणी देण्याची नामुष्की व्यवस्थापनावर ओढावली आहे..पंजाबच्या धर्तीवर शेतकऱ्यांना लागवड ते बाजारपेठ या संपूर्ण प्रक्रियेबाबत मार्गदर्शन मिळावे, या उद्देशाने ढिवरवाडी येथे सिट्रस इस्टेटची स्थापना करण्यात आली होती. या प्रकल्पासाठी शासनाकडून मोठ्या प्रमाणात निधी उपलब्ध करून देण्यात आला. मात्र प्रत्यक्षात प्रकल्प केवळ अवजारे भाडेतत्त्वावर देण्यापुरताच मर्यादित राहिल्याची टीका होत आहे..Citrus Orchard Management: अवकाळी पावसानंतर लिंबूवर्गीय बागेत घ्यावयाची काळजी.रोपवाटिकेसाठी लावण्यात आलेल्या मातृवृक्षांना जिवंत ठेवण्यासाठी आवश्यक सिंचन व्यवस्थाच नसल्याने झाडे उन्हाच्या तडाख्यात सुकू लागली आहेत. आठ महिन्यांपूर्वी या परिसरात ठिबक सिंचन व्यवस्था उभारण्यासाठी कंत्राट प्रस्तावित करण्यात आले होते. मात्र साहित्य पुरवठ्यावरून दबावतंत्र वापरल्याचा आरोप होत असून, पुरवठा झाल्यानंतरही ठिबक साहित्य परत नेण्याची वेळ आल्याचे सांगितले जाते..विशेष म्हणजे या घटनेनंतरही सिट्रस इस्टेटचे मुख्य कार्यकारी अधिकारी आणि अध्यक्ष स्तरावर कोणतीही ठोस हालचाल झालेली नाही. त्यामुळे संपूर्ण प्रकल्पाच्या कारभारावर प्रश्नचिन्ह उपस्थित केले जात आहे..Citrus Farming Management: संत्रा बागेत संतुलित अन्नद्रव्ये, सिंचनावर भर.दरम्यान, झाडांना पाणी देण्यासाठी पाट किंवा ठिबक अशा कोणत्याही प्रभावी पर्यायाचा वापर न करता फवारणीच्या ब्लोअरद्वारे पाणी दिले जात आहे. यासाठी दोन मजूर आणि एक ट्रॅक्टरचालक असे तीन मनुष्यबळ गुंतवावे लागत असून, अनावश्यक श्रम आणि खर्च वाढत आहे. शेतकऱ्यांना दिशा देणारा प्रकल्पच दिशाहीन झाल्याची भावना परिसरातील शेतकरी व्यक्त करीत आहेत..कोणत्याही सजीवाला पाण्याची गरज असते, ही साधी बाबही तज्ज्ञ विसरले आहेत, हे आश्चर्यकारक आहे. सिंचनाअभावी मातृवृक्ष वाळत असून, प्रशासनाच्या निष्क्रिय कारभाराचे हे जिवंत उदाहरण आहे. डॉ. अनिल ठाकरे, शेतकरी प्रतिनिधी, सिट्रस इस्टेट.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
