Dharashiv Water Storage News Updates: उन्हाचा कडाका वाढलेला असतानाच जिल्ह्यातील जलप्रकल्पांमधील पाणीसाठ्याने तळ गाठण्यास सुरवात केली आहे. दहा प्रकल्प कोरडे पडले आहेत. त्यात धाराशिव तालुक्यातील सात, कळंब तालुक्यातील दोन तर भूम तालुक्यातील एका प्रकल्पाचा समावेश आहे. पाटबंधारे विभागाने ६ मे २०२६ रोजी प्रसिद्ध केलेल्या अहवालानुसार, जिल्ह्यातील इतर मोठे, मध्यम आणि लघु प्रकल्पांची सरासरी पाणीपातळी मोठ्या प्रमाणात खालावली आहे. त्यात मॉन्सूनचा पाऊस लांबणीवर पडल्यास जिल्ह्यासमोर पाणीसाठ्याची स्थिती चिंताजनक होण्याची शक्यता आहे..जिल्ह्यातील एकूण २२६ प्रकल्पांत सध्या सरासरी २६.८८ टक्के पाणीसाठा शिल्लक आहे. एकमेव मोठा प्रकल्प असलेल्या सीना-कोळेगाव धरणामध्ये सध्या केवळ २३.०८ टक्के उपयुक्त पाणीसाठा शिल्लक आहे. मध्यम प्रकल्पांची स्थितीदेखील फारशी समाधानकारक नाही. जिल्ह्यातील १७ मध्यम प्रकल्पांमध्ये सरासरी २८.३३ टक्के पाणीसाठा असून, परंडा तालुक्यातील खंडेश्वर (५.६९ टक्के) आणि साकत (१४.२७ टक्के) या सारख्या प्रकल्पांनी जवळपास तळ गाठला आहे. तेरणा मध्यम प्रकल्पामध्ये ४४.९१ टक्के साठा असला तरी, अनेक लघु प्रकल्प आणि साठवण तलाव पूर्णपणे कोरडे पडले आहेत. तुळजापूर आणि उमरगा तालुक्यातील काही प्रकल्पांची स्थिती तुलनेने स्थिर असली तरी बाष्पीभवनामुळे पाणीसाठा वेगाने कमी होत आहे. .Dam Water Storage: धरणांत ४७ टीएमसी साठा शिल्लक.आटलेले प्रकल्पयेवती ल.पा. (धाराशिव)सांजा सा.त. २ (धाराशिव)खामसवाडी सा.त. (धाराशिव)आळणी सा.त. २ (धाराशिव)धुत्ता सा.त. (धाराशिव)सकनेवाडी सा.त. (धाराशिव)खेड (धाराशिव)बारातेवाडी सा.त. (कळंब)येडश्वरी सा.त. (कळंब)बागलवाडी (भूम).Vidarbha Dam Water Storage: पश्चिम विदर्भातील धरणांमध्ये पाणीसाठा समाधानकारक.पाणीसाठा स्थितीमोठा प्रकल्प (सीनाकोळेगाव)२३.०८ टक्केमध्यम प्रकल्प (एकूण १७)२८.३३लघु प्रकल्प (एकूण २०८)२६.९८एकूण सरासरी२६.८८.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
