Dharashiv News: धाराशिव जिल्ह्यातील साखर उद्योगाने यंदा विक्रमी भरारी घेतली असून, हंगामाच्या उत्तरार्धात १४ कारखान्यांनी मिळून तब्बल ५० लाख ७६ हजार २९३ टन ऊस गाळपाचा टप्पा पार केला आहे. विशेष म्हणजे, यंदा साखर उताऱ्यातही सुधारणा झाली असून, जिल्ह्याने आतापर्यंत ३८ लाख ३४ हजार ४८० क्विंटल साखरेचे उत्पादन घेतले आहे. मागील वर्षाच्या तुलनेत यंदा साखरेच्या उत्पादनात तब्बल २० लाख १६ हजार क्विंटलची घसघशीत वाढ झाली आहे. .मागील वर्षी संपूर्ण हंगामात अवघे २७ लाख १२ हजार टन गाळप झाले होते. यंदा मात्र हा आकडा हंगामाच्या अखेरपर्यंत दुप्पट होण्याची चिन्हे आहेत. त्यामुळे यंदाचा हंगाम धाराशिवच्या साखर उद्योगासाठी संजीवनी ठरणारा आहे. मागील वर्षीच्या तुलनेत यंदा आतापर्यंत झालेले गाळप २३ लाख ७६ हजार टनांनी अधिक आहे. हा टप्पा कारखान्यांनी अवघ्या पहिल्या दोन-अडीच महिन्यांतच पूर्ण केला होता. यामुळे ग्रामीण अर्थव्यवस्थेला मोठी गती मिळाली आहे..Sugarcane Crushing Season: नांदेड विभागात ऊस गाळप वेगात.सहकारी विरुद्ध खासगी : गाळपाचा ‘ग्राफ’जिल्ह्यात सध्या ६ सहकारी आणि ८ खासगी कारखान्यांचे गाळप सुरू असून, त्यांची एकत्रित दैनंदिन क्षमता ५४ हजार टन इतकी आहे. गाळप क्षमतेत खासगी कारखान्यांनी बाजी मारली आहे..Sugarcane Crushing Season: उसाचे वजन कमी होऊन ‘दक्षिणा’ वाढू लागली.आठ खासगी कारखान्यांनी ३२ लाख ५४ हजार टनांहून अधिक गाळप केले आहे. तर ६ सहकारी कारखान्यांनी १८ लाख २१ हजार टनांचा टप्पा गाठला आहे. सरासरी साखर उतारा ७.५५ टक्के मिळाला असून, सहकारी कारखान्यांचा उतारा (७.५९ टक्के) खासगी कारखान्यांच्या (७.५३ टक्के) तुलनेत किंचित जास्त भरला आहे..नॅचरल शुगरची ‘नंबर वन’जिल्ह्यात सर्वाधिक गाळप करण्याचा मान रांजणी (ता. कळंब) येथील नॅचरल शुगर कारखान्याने मिळवला आहे. या कारखान्याने ७ लाख ५ हजार ५६० टन उसाचे गाळप करून आपले वर्चस्व कायम राखले आहे. त्यानंतर समुद्राळ येथील क्वीनर्जी इंडस्ट्रीजने (५ लाख ७२० टन) दुसरे, तर लोहारा तालुक्यातील लोकमंगल माउलीने (४ लाख ९८ हजार टन) तिसरे स्थान पटकावले आहे. इंदापूरच्या नरसिंह कारखान्याने सर्वात कमी म्हणजे ३९ हजार ६४८ टन गाळप केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
