Cocoon Rates : सोलापूर रेशीम खरेदीच्या सोलापूर केंद्रावर धाराशिव जिल्ह्यातील रेशीम कोषाला प्रतिकिलो तब्बल ८३० रुपयांचा उच्चांकी दर मिळाला आहे. हा दर राज्यात दुसऱ्या क्रमांकाचा सर्वोच्च दर ठरला आहे. बुधवारी (ता.५) पार पडलेल्या या लिलावात १२ उत्पादक शेतकऱ्यांनी सहभाग घेतला असून, एकाच दिवसात ८ लाख ९१ हजार ७१० रुपयांची मोठी उलाढाल झाली आहे..या रेशीम कोष लिलाव सेंटरवर खामकरवाडी (जि. धाराशीव) येथील शेतकरी गोकूळ हनुमंत सावंत यांच्या ९० किलो रेशीम कोषाला ८३० रुपयांचा विक्रमी भाव मिळाला. या शेतकऱ्यांचा माल पांढरा शुभ्र, स्वच्छ आणि चांगल्या प्रतीचा (स्क्रोल) असल्यामुळे व्यापाऱ्यांनी या मालाला सर्वाधिक पसंती दिली. .Reshim Farming: रेशीम शेतीतून आर्थिक स्थैर्याचा मार्ग.बुधवारी (ता. ५) मिळालेले रेशीम कोषाला सर्वाधिक प्रतिकिलोला ८३० रुपयांचा दर मिळाला. तर सरासरी ७१० रुपये आणि सर्वात कमी दर ४५० रुपये मिळाला. एकूण विक्री: १,२५५ किलोची झाली. तर एकूण सहभागी शेतकरी १२ होते. काल या लिलावात बीड येथील सेंटरवर सोलापूरपेक्षा १० रुपये अधिक म्हणजेच ८४० रुपये दर मिळाला..Mulberry Nursery Business: तुती रोपेनिर्मिती व्यवसायातून उरुळी कांचनच्या मनीषा शेलार यांची वार्षिक ८-९ लाखांची कमाई!.त्यानंतर दुसऱ्या क्रमांकाचा सोलापुरात हा दर मिळाला. या केंद्रावर सोलापूर, धाराशिव, लातूर आणि सांगली या जिल्ह्यांसह शेजारील कर्नाटक राज्यातील काही जिल्ह्यांतूनही शेतकरी रेशीम कोष विक्रीसाठी येत आहेत. सांगलीतील व्यापारी राकेश माहेश्वरी यांच्यासह प्रमुख व्यापाऱ्यांकडून या सेंटरवरून मोठ्या प्रमाणावर खरेदी केली जात आहे..सोलापुरात हक्काचे लिलाव केंद्र उपलब्ध झाल्याने भविष्यात रेशीम उत्पादनाखालील क्षेत्र आणखी वाढण्यास मदत होईल, असा विश्वास उपस्थित शेतकऱ्यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
