Technical Issue: धारशिव तालुक्यातील हजारो शेतकऱ्यांच्या फार्मर आयडीमध्ये जमीन जोडण्याची प्रक्रिया गेल्या अनेक दिवसांपासून ठप्प झाली आहे. महसूल विभागाने ही तांत्रिक समस्या जिल्हाधिकारी कार्यालयामार्फत जमाबंदी कार्यालय, पुणे यांच्या निदर्शनास आणून दिली. मात्र, तरीही अद्याप त्यावर तोडगा निघालेला नाही. त्यामुळे पीककर्ज, पीकविमा आणि विविध कृषी योजनांच्या लाभापासून हजारो शेतकरी वंचित राहण्याची शक्यता निर्माण झाली आहे..शासन निर्देशानुसार तालुक्यात फार्मर आयडी तयार करण्याचे काम सुरू आहे. अनेक शेतकऱ्यांच्या नावावर जमीन असतानाही त्यांच्या फार्मर आयडीमध्ये जमिनीची नोंद दिसत नसल्याने संबंधित आयडी ‘लँड लेस’ म्हणून दर्शविले जात आहेत. अशा प्रकरणांत तलाठी लॉगिनमधील यूएफआर टॅबद्वारे जमीन जोडून तहसीलदारांच्या मंजुरीनंतर फार्मर आयडी पूर्ण केला जातो. .Farm Loan Waiver: मागील कर्जमाफीतील शेतकऱ्यांनाही मोठा दिलासा; सरकारचा महत्त्वाचा निर्णय.मात्र, सध्या यूएफआर टॅबमधून जमीन जोडण्याची सुविधा बंद असल्याने ही प्रक्रिया रखडली आहे. या समस्येबाबत तहसील कार्यालयाने सोमवारी (ता. तीन) जिल्हाधिकारी कार्यालयाला अधिकृत पत्र पाठवून तांत्रिक अडचण तातडीने दूर करण्याची मागणी केली. त्यानंतर जिल्हाधिकारी कार्यालयानेही हा बिघाड जमाबंदी कार्यालय पुणे यांच्या निदर्शनास आणून दिला आहे. पण अद्याप प्रणाली पूर्ववत झालेली नाही. तालुक्यात सुमारे २५ हजार शेतकऱ्यांनी फार्मर आयडीची नोंदणी केली असून, त्यापैकी जवळपास १० हजार शेतकऱ्यांच्या आयडीमध्ये जमिनीची नोंद दिसत नसल्याची माहिती आहे..Women Farmers Empowerment Bill: महिला शेतकरी विधेयकात दडलंय काय? .‘लँडलेस’ दर्शविणाऱ्या आयडीची दुरुस्ती कराशेतकरी तलाठी कार्यालय, तहसील कार्यालय आणि सेवा केंद्रांवर हेलपाटे मारत आहेत. खरीप हंगामातील पीककर्ज व अन्य योजनांसाठी अर्ज सुरू असताना ही अडचण अधिक गंभीर बनली आहे. महसूल विभागाने यूएफआर टॅब तातडीने सुरू करून ‘लँडलेस’ दर्शविणाऱ्या फार्मर आयडीची दुरुस्ती करावी, अशी मागणी शेतकऱ्यांकडून होत आहे..यूएफआर टॅबद्वारे जमीन जोडण्याची सुविधा बंद असल्याने अनेक शेतकऱ्यांचे फार्मर आयडी पूर्ण होऊ शकत नाहीत. याबाबत जिल्हाधिकारी कार्यालयाला पत्र देण्यात आले असून, त्यांनीही जमाबंदी कार्यालय, पुणे यांच्याकडे ही तांत्रिक अडचण दूर करण्यासाठी पाठपुरावा सुरू केला आहे.- रणजितसिंह कोळेकर, तहसीलदार, लोहारा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
