Agriculture Commissioner Office Protest: धाराशिवमधील निविष्ठा घोटाळा प्रकरणी जिल्हा अधीक्षक कृषी अधिकाऱ्यावर (एसएओ) कारवाईच्या मागणीसाठी काही शेतकऱ्यांनी सोमवारी (ता. २९) थेट कृषी आयुक्तालयाच्या इमारतीवर चढून आंदोलन केल्याने पोलिसांची धावपळ झाली. संबंधित अधिकाऱ्याची तत्काळ चौकशी करण्यास शासनाने मान्यता दिल्यानंतर शेतकऱ्यांनी आंदोलन मागे घेतले..राष्ट्रीय अन्न सुरक्षा पोषण अभियानातून २०२५-२६ मध्ये धाराशिव जिल्ह्यात २४ कोटींच्या निविष्ठा वाटण्यात आल्या. यात मयत शेतकरी तसेच बनावट नावे टाकून निविष्ठा वाटप दाखवून १२ कोटींचा घोटाळा झाला, अशी तक्रार स्थानिक शेतकरी अशोक वसंत जाधव यांनी १२ एप्रिल रोजी कृषी विभागाकडे केली होती..Farmers Protest: पीकविमा, खतटंचाईच्या प्रश्नांवर क्रांतिकारी शेतकरी संघटनेचे आंदोलन.यानंतर लातूरच्या विभागीय कृषी सहसंचालकांनी चौकशी समिती नेमली. मात्र, या समितीने थातूरमातूर चौकशी केली, संबंधित एसएओ राजकुमार मोरे यांच्यावर कारवाई केली नाही, अशी दुसरी तक्रार जाधव यांनी केली. परंतु, त्याकडेही कृषी विभागाने दुर्लक्ष केले..या प्रकरणातील कथित दोषी मोरे मंगळवारी (ता. ३०) निवृत्त होत आहेत. त्यामुळे संतप्त शेतकऱ्यांनी धाराशिवमधून थेट पुण्याच्या कृषी आयुक्तालयाकडे धाव घेतली. शेतकरी अशोक जाधव, राजकन्या अशोक जावळे, अशोक मारुती बनसोडे, जनाबाई अमोल जाधव, मंदाकिनी रामकिसन बारकूळ यांनी आयुक्तालयात येऊन प्रचंड आरडाओरडा केला..Farmers Protest: शेतकऱ्यांनी जिल्हाधिकारी कार्यालयातच ओतले बनावट खत.तसेच, मोरे यांच्यावर कारवाईची मागणी केली. या वेळी आयुक्त सूरज मांढरे मुंबईत होते. त्यामुळे शेतकऱ्यांचे समाधान न झाल्याने त्यांनी छतावर चढून आंदोलन चालू केले. यामुळे पोलिस तसेच अग्निशमन दलाचे जवान बोलविण्यात आले..अखेर चौकशीचे आदेश मंत्रालयातूनआस्थापना सहसंचालक राजेश जाधव, कृषी आयुक्त कक्षाचे उपसंचालक सत्यजित शितोळे तसेच वरिष्ठ पोलिस अधिकाऱ्यांनी आंदोलनकर्त्यांची समजूत घातली. दुसऱ्या बाजूला आयुक्तांनीदेखील या प्रकरणात लक्ष घातले. यानंतर मोरे यांच्या चौकशीचे आदेश मंत्रालयातून जारी झाले. यामुळे अखेर शेतकऱ्यांनी आंदोलन मागे घेतले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
