Amravati News: धामणगाव रेल्वे तालुक्यातील वाघोली शिवारातून वाहणाऱ्या कालव्यात पडून दोन युवकांचा मृत्यू झाल्याची घटना मंगळवारी उघडकीस आली. एकाच कालव्यात दोन मृतदेह आढळल्याने परिसरात खळबळ उडाली असून पोलिसांनी दोन्ही प्रकरणांची आकस्मिक मृत्यू म्हणून नोंद केली आहे..पोलिसांच्या माहितीनुसार, धीरज मारोतराव म्हात्रे (वय ३८, रा. दाभुळगाव) व दिनेश दीपक मरकाम (वय ३२, रा. जळगाव मंगरूळ) अशी मृतांची नावे आहेत. धीरज म्हात्रे हा सोमवारी सकाळी ऑटोरिक्षाने घराबाहेर पडला होता; मात्र रात्रीपर्यंत तो घरी परतला नाही. त्यामुळे कुटुंबीयांनी शोधाशोध सुरू केली व कुर्हा पोलिस ठाण्यात तक्रारही दाखल केली. मंगळवारी सकाळी सुमारे १० वाजता वाघोली शिवारातील कालव्यात त्याचा मृतदेह आढळून आला. त्याच्या ऑटोरिक्षाचा मात्र शोध लागलेला नाही..Farmer Death: माळेगावात विहिरीत पडून शेतकऱ्याचा मृत्यू; मदतीला धावलेल्या युवकाचाही दुर्दैवी अंत.दरम्यान, दुसऱ्या घटनेत दिनेश मरकाम हा सोमवारी रात्री गहू पिकाच्या सिंचनासाठी वाघोली शिवारातील शेतात गेला होता. तो काही शेतकऱ्यांसोबत सामूहिक शेतीकरत होता. मंगळवारी सकाळी त्याचाही मृतदेह कालव्याच्या पाटासरीत आढळून आला..Cow Deaths: हिवरेबाजार, दैठणे गुंजाळमध्ये बारा दिवसांत २१ गाई दगावल्या.एकाच कालव्यात दोन युवकांचे मृतदेह सापडल्याने परिसरात मोठी खळबळ उडाली. दोन्ही घटनांची माहिती मिळताच पोलिसांनी घटनास्थळी धाव घेत पंचनामा केला. प्राथमिक तपासात दोघेही कालव्यात पडल्याने मृत्यू झाल्याची शक्यता व्यक्त करण्यात येत आहे..या दोन्ही प्रकरणांमध्ये दत्तापूर पोलिसांनी आकस्मिक मृत्यूची नोंद करून पुढील तपास सुरू केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
