Rural Agriculture Administration Issues: खरीप हंगामातील महत्त्वाच्या टप्प्यावर धामणगाव रेल्वे तालुका कृषी कार्यालयातील रिक्त पदांमुळे कृषी यंत्रणेचा कारभार विस्कळित झाला आहे. मंजूर ५० पदांपैकी तब्बल २१ पदे रिक्त असल्याने उर्वरित अधिकारी व कर्मचाऱ्यांवर अतिरिक्त भार पडला आहे. परिणामी, शेतकऱ्यांना तांत्रिक मार्गदर्शन, शासनाच्या योजनांची अंमलबजावणी, पीक पाहणी आणि नैसर्गिक आपत्तीनंतरचे पंचनामे यावर परिणाम होत आहे..तालुका कृषी कार्यालयात कृषी अधिकारी, मंडळ कृषी अधिकारी, कृषी पर्यवेक्षक, सहायक कृषी अधिकारी, वरिष्ठ व कनिष्ठ लिपिक, अनुरेखक, वाहनचालक, शिपाई व चौकीदार अशी ५० पदे मंजूर आहेत. मात्र, कृषी अधिकाऱ्याचे १, मंडळ कृषी अधिकाऱ्याचे १, कृषी पर्यवेक्षकांची २, सहायक कृषी अधिकाऱ्यांची ६, वरिष्ठ व कनिष्ठ लिपिकांचे प्रत्येकी १,.Agriculture Department Issues: भाडेकरू ‘कृषी’ला कार्यालये खाली करण्याचे फर्मान.अनुरेखकाची ४, शिपायांची ३ आणि चौकीदाराचे १ पद रिक्त आहे. विशेष म्हणजे, सहायक कृषी अधिकाऱ्यांची २५ मंजूर पदांपैकी केवळ १९ पदे भरलेली आहेत. त्यामुळे तळेगाव, भातकुली, देवगाव, नायगाव, झाडगाव आणि बोरगाव निस्ताने या गावांचा अतिरिक्त कार्यभार इतर अधिकाऱ्यांवर टाकण्यात आला आहे..Government Staff Protest: ‘भूमी अभिलेख’च्या कर्मचाऱ्यांचा काम बंद आंदोलनाचा इशारा .दरम्यान, गजानन राऊत (तालुका कृषी अधिकारी, धामणगाव रेल्वे) यांनी रिक्त पदांचा अहवाल वरिष्ठ कार्यालयाकडे पाठविल्याची माहिती दिली. राजकुमार केला (माजी सदस्य, पंचायत समिती) यांनी अपुऱ्या मनुष्यबळामुळे नैसर्गिक आपत्तीनंतरचे पंचनामे आणि भरपाईची प्रक्रिया विलंबाने होत असल्याचे नमूद केले. बबलू बिरे (अध्यक्ष, संजय गांधी निराधार योजना समिती) यांनी खरीप हंगामात शेतकऱ्यांना आवश्यक तांत्रिक मार्गदर्शन मिळण्यासाठी सहायक कृषी अधिकारी व इतर रिक्त पदे भरण्याची मागणी केली.योजनांच्या अंमलबजावणीवर ताणपंकज वानखडे (माजी सभापती, पंचायत समिती) यांनी गावागावांत शेतीशाळा आणि कृषी योजनांची प्रभावी अंमलबजावणी होण्यासाठी रिक्त पदे तातडीने भरण्याची मागणी केली. तर दुर्गाबक्षसिंह ठाकूर (तालुकाध्यक्ष, राष्ट्रवादी काँग्रेस) यांनी कृषी अधिकारी व सहायक संवर्गातील रिक्त पदांमुळे योजनांच्या अंमलबजावणीवर ताण येत असल्याचे सांगत शेतकरी हितासाठी तत्काळ भरतीची आवश्यकता व्यक्त केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
