Ahilyanagar News: नाथसंप्रदायाचे श्रद्धास्थान असलेल्या श्रीक्षेत्र मढी (ता. पाथर्डी) येथील चैतन्य कानिफनाथांच्या यात्रेसाठी राज्यासह देशभरातून भाविकांची गर्दी होत आहे. मढी परिसर कानिफनाथांच्या जयजयकाराने दुमदुमून गेला आहे. तसेच, मंदिराच्या कळसाला काठ्या टेकवण्याची लगबग भाविकांकडून सुरू आहे..नवनाथांपैकी एक असलेल्या चैतन्य कानिफनाथांची संजीवन समाधी मढी येथे आहे. भटक्यांची पंढरी म्हणून मढीची ओळख असून राज्यासह देशभरातील विविध समाजांचे लोक येथे येतात. दरवर्षी होळी, रंगपंचमी व फुलोरबाग अशा तीन टप्प्यांत मढी यात्रा भरते. .Kanifnath Yatra: मढीतील कानिफनाथ यात्रेस मानाच्या होळीने सुरुवात!.रंगपंचमीच्या दिवशी कानिफनाथांनी संजीवन समाधी घेतल्याने मढी यात्रेचा हा मुख्य दिवस मानला जातो. महाराष्ट्रासह गुजरात, कर्नाटक, आंध्रप्रदेश, तेलंगणा, मध्यप्रदेश येथूनही नाथभक्त या दिवशी मढीत दाखल झाले होते. विविध भागांतून शेकडोंच्या संख्येने देवांच्या काठ्या घेऊन भाविक मढी येथे आले आहेत..भाविकांनी शनिवारी रात्रीपासूनच काठ्यांच्या मिरवणुका सुरू केल्या होत्या. रंगपंचमीच्या दिवशी नाथसिद्धांचे आखाडे, विविध ठिकाणांहून आलेल्या मानाच्या काठ्या वाजत- गाजत नाथांच्या मंदिराच्या कळसाला लावण्यात येतात. मंदिरावर रेवड्यांची उधळण केली जाते. भक्तांकडून नाथांच्या समाधीला गलफ (वस्त्र), पुष्पहार, दवणा, सुगंधी अत्तर, रेवडी आणि मलिद्याचा प्रसाद अर्पण केला जातो..Madhi Kanifnath Yatra : मढीत कानिफनाथांच्या दर्शनासाठी भाविकांची गर्दी.मढीत दर्शन घेऊन भाविक पैठणला (षष्ठी) संत एकनाथांच्या दर्शनाला जातात. त्यामुळे भाविकांची गर्दी पाहता अहिल्यानगरसह शेजारच्या बीड, सोलापूर, छत्रपती संभाजीनगर, पुणे, नाशिक अशा जिल्ह्यांतून मढीला जादा एसटी बसेस सोडण्यात आल्या..देवस्थान समितीचे अध्यक्ष विठ्ठल मरकड, उपाध्यक्ष सुरसिंगराव पवार, माधुरी मरकड, अनिल साठे, दादासाहेब मरकड, महादेव कोकाटे, उत्तम मरकड, ॲड.तानाजी धसाळ, तानाजी शिंदे, मदन मरकड, उषा मरकड या विश्वस्तांसह मुख्य कार्यकारी अशोक पवार, व्यवस्थापक संजय मरकड यांच्याकडून भाविकांचे स्वागत करण्यात येत आहे. गुढीपाडव्यापर्यंत उत्सवगुढीपाडव्यापर्यंत यात्रोत्सव सुरू असल्याने तोपर्यंत भाविकांची रेलचेल सुरु राहणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
