Jalgaon Cotton Farmers Update: जळगाव जिल्ह्यात देशी कापूस वाणांच्या बियाण्यांचा अत्यल्प पुरवठा झाल्याने मागणी असलेल्या वाणांचा काळाबाजार सुरू झाला आहे. १,४०० ते १,५०० रुपये किंमतीचे देशी कापूस बियाण्यांचे एक पाकीट अडीच ते तीन हजार रुपयांना विकले जात असून शेतकऱ्यांची आर्थिक लूट होत आहे..जळगाव शहरात कृषी विभागाच्या नाकावर टिच्चून हा काळाबाजार सुरू असल्याची चर्चा आहे. जिल्हा अधीक्षक कृषी अधिकारी तसेच जिल्हा परिषदेच्या कृषी विकास अधिकाऱ्यांचे मुख्यालय जळगावात असतानाही परिस्थितीवर प्रभावी नियंत्रण दिसून येत नाही..Cotton Seed Shortage: सरळ कापूस वाण यंदाही अल्प.जिल्हा गुणवत्ता नियंत्रण विभागाने यंदा कापूस बियाण्यांच्या काळाबाजाराकडे दुर्लक्ष केल्याचा आरोप होत आहे. शेतकऱ्यांची उघडपणे लूट होत असतानाही कठोर कारवाई झालेली नाही. काही ठिकाणी नोटिसा व किरकोळ कारवाई करण्यात आली असली, तरी काळाबाजार थांबलेला नाही..जळगाव, पाचोरा, जामनेर, चोपडा, चाळीसगाव आणि पारोळा या शहरांमध्ये देशी कापूस बियाण्यांचा काळाबाजार सुरू असल्याचे सांगितले जात आहे. जिल्ह्यात दरवर्षी सुमारे ६० ते ७० हजार दर्जेदार देशी कापूस बियाण्यांच्या पाकिटांची मागणी असते. मात्र यंदा केवळ चार ते पाच हजार पाकिटांचाच पुरवठा झाल्याने कृत्रिम टंचाई निर्माण झाली आहे. .Cotton Seed Packets Demand: कपाशी बियाण्याच्या ११.४३ लाख पाकिटांची मागणी.बियाणे पुरवठादार कंपन्यांची मनमानी कृषी विभागाकडून सहन केली जात असल्याची टीका शेतकरी करत आहेत. कंपन्या प्रथम इतर राज्यांमध्ये बियाण्यांचा पुरवठा करतात. तेथे मागणी कमी राहिल्यानंतर उरलेला साठा जळगाव जिल्ह्यात पाठविला जातो. दरवर्षी अशीच परिस्थिती निर्माण होत असल्याचे शेतकरी सांगतात. .देशी तसेच इतर कापूस बियाण्यांचा पुरवठा मे महिन्यातच उपलब्ध होणे अपेक्षित असताना त्याबाबत आवश्यक नियोजन करण्यात आले नसल्याने जून महिन्यातही बियाण्यांचा काळाबाजार बिनबोभाट सुरू असल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
