Mumbai News : दिवंगत अजित पवार त्यांच्या पत्नी सुनेत्रा पवार यांनी महाराष्ट्राच्या पहिल्या उपमुख्यमंत्री म्हणून शनिवारी (ता. ३१) शपथ घेतली. विधान भवनातील लोकभवन येथे सायंकाळी पाच वाजता साधेपणाने शपथविधी कार्यक्रम पार पडला..दरम्यान, त्यांची राष्ट्रवादी काँग्रेसच्या विधिमंडळ पक्षनेतेपदी शनिवारी दुपारी आमदारांच्या बैठकीत एकमताने निवड करण्यात आली. त्यानंतर राष्ट्रवादी काँग्रेसच्या प्रमुख नेत्यांनी मुख्यमंत्री देवेंद्र फडणवीस यांना निवडीचे पत्र दिले. लगोलग मुख्यमंत्री कार्यालयाकडून राज्यपालांना शपथविधीबाबत पत्र देण्यात आले. त्यानंतर लगेचच श्रीमती पवार यांनी लोकभवन येथे उपमुख्यमंत्री पदाची शपथ घेतली..राज्यपाल आचार्य देवव्रत यांनी श्रीमती पवार यांना पद आणि गोपनीयतेची शपथ दिली. साधेपणाने झालेल्या या कार्यक्रमावर अजित पवार यांच्या अपघाती मृत्यूमुळे शोककळा होती.अवघ्या पाच ते दहा मिनिटांत हा कार्यक्रम आटोपला. या वेळी दिवंगत पवार यांच्या कार्यकर्त्यांनी ‘एकच वादा अजितदादा’, ‘अजितदादा अमर रहे’ अशी घोषणाबाजी केली..Sunetra Pawar: सुनेत्रा पवार यांची राष्ट्रवादीच्या गटनेतेपदी निवड.अजित पवार यांचा विमान अपघातात मृत्यू झाल्यानंतर राष्ट्रवादी काँग्रेसची सूत्रे कोण हातात घेणार, याबाबत तर्कांना उधाण आले होते. तसेच त्यांच्या मृत्यूमुळे रिक्त झालेल्या उपमुख्यमंत्री पदावर कोणाची वर्णी लागणार याबाबत चर्चा सुरू होत्या. दिवंगत पवार यांचा रक्षा विसर्जनाचा कार्यक्रम झाल्यानंतर लगेचच राष्ट्रीय कार्याध्यक्ष प्रफुल्ल पटेल, प्रदेशाध्यक्ष सुनील तटकरे, अन्न व नागरी पुरवठा मंत्री छगन भुजबळ आणि माजी मंत्री धनंजय मुंडे यांनी मुख्यमंत्री देवेंद्र फडणवीस यांची भेट घेऊन चर्चा केली..तसेच तातडीने मंत्रिपद भरण्याबाबत विनंती केली. आम्ही लवकरच पवार कुटुंबीयांशी चर्चा करून उपमुख्यमंत्री पदाचे नाव सुचवू असे सांगितले होते. दरम्यान, श्री. भुजबळ यांनी उपमुख्यमंत्रिपदी सुनेत्रा पवारच असतील असे सांगून चर्चांना पूर्णविराम देण्याचा प्रयत्न केला. मात्र श्री. तटकरे यांनी याबाबत कोणतेही भाष्य न केल्याने वेगवेगळ्या शक्यता वर्तविल्या जात होत्या. मात्र, पक्षातून दबाव वाढल्यानंतर सायंकाळी सुनेत्रा पवार यांची विधिमंडळ पक्षनेतेपदी निवड करण्यासाठी आमदारांची बैठक बोलविण्यात आली..Sunetra Pawar Deputy CM: सुनेत्रा पवार यांनी घेतली उपमुख्यमंत्रीपदी शपथ, बनल्या राज्याच्या पहिल्या महिला उपमुख्यमंत्री.या बैठकीनंतर लगेचच शपथविधी घेण्याबाबतची तयारीही करण्यात आली. त्यानुसार शनिवारी दुपारी दोन वाजता श्रीमती पवार यांचे विधिमंडळाच्या आवारात आगमन झाले. तत्पूर्वी विधिमंडळात दिवंगत अजित पवार यांच्या कार्यालयात सर्व आमदार एकत्र आले होते. तसेच पटेल, तटकरे, भुजबळ यांच्यासह अनेक मंत्री दाखल झाले. श्रीमती पवार यांचे आगमन झाल्यानंतर लगेचच बैठकीला सुरुवात झाली. या बैठकीत भुजबळ यांनी सुनेत्रा पवार यांची विधिमंडळ पक्षनेतेपदी निवड करण्याचा प्रस्ताव मांडला. त्याला वैद्यकीय शिक्षणमंत्री हसन मुश्रीफ आणि माजी मंत्री दिलीप वळसे पाटील यांच्यासह अन्य आमदारांनी अनुमोदन दिले..साधेपणाने शपथविधीलोकभवन येथे सायंकाळी पाच वाजता शपथविधी कार्यक्रम झाला. राष्ट्रगीत आणि राज्यगीताने या कार्यक्रमाला सुरुवात झाली. मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यासह मंत्रिमंडळातील सदस्य उपस्थित होते. राष्ट्रवादीचे सर्व आमदार या कार्यक्रमाला उपस्थित होते. मात्र या सोहळ्यावर दुःखाचे सावट होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
